Memleket basshysy Qasym-Jomart Toqaev Resei Federatsiiasynyń Prezidenti Vladimir Pýtinge Qazaqstan Respýblikasy men Resei Federatsiiasy arasyndaǵy diplomatiialyq qatynastardyń ornaǵanyna 30 jyl tolýyna orai quttyqtaý hat joldady, dep habarlaidy "Ult aqparat" Aqordaǵa silteme jasap.
"Keiingi onjyldyqta eki memleket berik dostyq pen tatý kórshilikke, ortaq tarihi jáne rýhani qundylyqtarǵa negizdelgen strategiialyq seriktestik pen shynaiy odaqtastyq qatynas ornatty. Qazaqstan men Reseidiń úlgili yntymaqtastyǵynyń qazirgi deńgeii Sizdiń Resei memleketiniń basshysy retindegi zor úlesińizdiń arqasynda múmkin boldy. Resei – Qazaqstannyń senimdi saýda-ekonomikalyq seriktesi, elimizdiń jetekshi investorlarynyń biri. Ártúrli saladaǵy birlesken iri jobalardyń sátti júzege asyrylýy óńiraralyq dialogtyń keńeiýine jáne jan-jaqty yntymaqtastyqtyń tereńdeýine yqpal etedi. Qazaqstan men Resei kópjaqty platformalarda, sondai-aq eýraziialyq keńistiktegi integratsiialyq birlestikter aiasynda tyǵyz yntymaqtastyq ornatqan. Bul memleketterdiń uzaq merzimdi múddelerine sai keledi", – dep jazylǵan quttyqtaý hatta.
