Prezident Qasym-Jomart Toqaev Nur-Sultanda biznes ókilderimen kezdesýde tabysty biznes-alyptardyń salyqtan jaltarǵanyn kórsetetin arnaiy organdardyń málimetteri bar ekenin málimdedi, - dep habarlaidy Tengrinews.kz agenttigi.
Memleket basshysy barlyq jeńildik barynsha deńgeiles bolýy kerek ekenin jáne qarsy mindettemeler - barlyq salyqty tolyq tóleý, eksportqa shyǵý, sapaly jumys oryndaryn qurý jáne t.b. úshin ǵana berilýin tapsyrdy.
"Iri kompaniialardyń salyq tóleýi, ózderińiz biletindei, bitpeitin jyr. Bizde arnaiy organdardyń derekteri bar. Olar tabysy joǵary alpaýyttardyń túrli syltaýlarmen salyqty tolyq tóleýden jaltarǵanyn kórsetedi. Premer-ministrge tapsyrma beremin. Osy máselemen ainalysyp, qazynany soǵan bailanysty qarajatpen qamtamasyz etý kerek. Áitpese, qatań sharalar qoldanylady. Balalar aitatyndai, kim jasyrynbady, men kináli emespin", - dep eskertti Prezident.
Toqaev ekonomikany deoligopolizatsiialaý jónindegi qatań saiasat týraly jariialady. Onyń aitýynsha, kásipkerlerdiń jańa býyny qalyptasady, barlyq tapsyrys bir kompaniiaǵa tiesili bolmaidy.
