Foto: Aqorda
Qasym-Jomart Toqaev pen Rejep Taiip Erdoǵan Qazaqstan men Túrkiia arasynda júzege asyrylyp jatqan birqatar iri investitsiialyq jobalar týraly aqparat aldy dep habarlaidy Ult.kz.
Málimetke sáikes, Abai oblysynda túrkiialyq Miryildiz kompaniiasy ken baiytý kombinatyn salýdy josparlap otyr. Al İskefe Holding Almatyda jelatin óndirisin iske qospaq.
Sonymen qatar, Orzax Group Túrkistan oblysynda biologiialyq belsendi qospalar shyǵaratyn zamanaýi óndiristi qolǵa alǵan.
Logistika salasynda S Sistem Lojistik Qazposhta aktsionerlik qoǵamymen birlesip, Aqtóbe halyqaralyq áýejaiy aýmaǵynda logistika ortalyǵyn salyp jatyr.
Sondai-aq Tiryaki Holding Astana qalasynda bidai men asburshaqty tereń óńdeitin zaýyt qurylysyna kirisken.
Resmi málimet boiynsha, atalǵan jobalar aiasynda Qazaqstan ekonomikasyna 920 million dollardan astam investitsiia tartylyp, 3100-den asa jańa jumys orny ashylady dep josparlanǵan.
Premer-ministrdiń orynbasary Serik Jumanǵarin búginde túrik kompaniialarynyń qatysýymen Qazaqstan ekonomikasynyń túrli salalarynda jalpy quny shamamen 4 milliard dollar bolatyn 100-ge jýyq investitsiialyq joba júzege asyrylǵanyn málimdedi.
Onyń aitýynsha, qazirgi ýaqytta taǵy 50 birlesken joba pysyqtalyp jatyr. Olardyń jalpy quny 4 milliard dollarǵa baǵalanyp otyr.
Ekijaqty kelissózder men Qazaqstan – Túrkiia Joǵary deńgeidegi strategiialyq yntymaqtastyq keńesiniń altynshy otyrysynyń qorytyndysy boiynsha Prezident Qasym-Jomart Toqaev pen Prezident Rejep Taiip Erdoǵan Qazaqstan Respýblikasy men Túrkiia Respýblikasy arasyndaǵy máńgilik dostyq jáne keńeitilgen strategiialyq seriktestik týraly deklaratsiiaǵa qol qoidy.
