Foto: Aqorda
Memleket basshysy Qasym-Jomart Toqaev Halyqaralyq padel federatsiiasynyń (FIP) prezidenti Lýidji Karraro men Premier Padel álemdik kásibi týrynyń tóraǵasy Nasser Ben Ganim Ál-Helaifidi qabyldady. Kezdesýde Qazaqstanda padel sportyn damytý perspektivalary talqylandy, dep habarlaidy Ult.kz.
Qazir elimizde 1,5 myńnan astam oiynshydan turatyn qoǵamdastyq qurylyp, 16 oblysta óńirlik federatsiialar jumys istei bastady. Prezident buqaralyq sportty órkendetýge jáne zamanaýi sport infraqurylymyn damytýǵa erekshe kóńil bólinip otyrǵanyn atap ótti.
Qazaqstanda padel oiynyna arnalǵan 17 kort bar. 2027 jyly Almatyda halyqaralyq standartqa sai keletin, 10 korty bar ADD PADEL ARENA kesheni salynbaq. Bul nysan Ortalyq Aziiadaǵy eń zamanaýi sport ortalyqtarynyń biri bolyp, Premier Padel deńgeiindegi jarystar ótkizýge múmkindik beredi.
Sonymen qatar, kezdesý barysynda Qasym-Jomart Toqaev fýtboldy damytý jaiyna toqtaldy. Prezident elimizde fýtbol klýbtaryn jekeshelendirý jáne básekeles orta qalyptastyrý baǵytyndaǵy jumystar jalǵasyp jatqanyn aitty.
Nasser Ál-Helaifige ÝEFA Atqarýshy komitetiniń múshesi jáne «Pari Sen-Jermen» klýbynyń aktsioneri retinde fýtboldy nasihattaýǵa qosqan úlesi úshin alǵys bildirdi.
Kezdesý sońynda Memleket basshysy Qazaqstannyń Halyqaralyq padel federatsiiasymen yntymaqtastyǵyn keńeitý eldegi padel sportynyń damýyna jáne tanymaldylyǵynyń artýyna oń yqpal etetinine senim bildirdi.
