فوتو: اقوردا
مەملەكەت باسشىسى قاسىم-جومارت توقاەۆ حالىقارالىق پادەل فەدەراتسيياسىنىڭ (FIP) پرەزيدەنتٸ لۋيدجي كاررارو مەن Premier Padel ەلەمدٸك كەسٸبي تۋرىنىڭ تٶراعاسى ناسسەر بەن گانيم ەل-حەلايفيدٸ قابىلدادى. كەزدەسۋدە قازاقستاندا پادەل سپورتىن دامىتۋ پەرسپەكتيۆالارى تالقىلاندى, دەپ حابارلايدى Ult.kz.
قازٸر ەلٸمٸزدە 1,5 مىڭنان استام ويىنشىدان تۇراتىن قوعامداستىق قۇرىلىپ, 16 وبلىستا ٶڭٸرلٸك فەدەراتسييالار جۇمىس ٸستەي باستادى. پرەزيدەنت بۇقارالىق سپورتتى ٶركەندەتۋگە جەنە زاماناۋي سپورت ينفراقۇرىلىمىن دامىتۋعا ەرەكشە كٶڭٸل بٶلٸنٸپ وتىرعانىن اتاپ ٶتتٸ.
قازاقستاندا پادەل ويىنىنا ارنالعان 17 كورت بار. 2027 جىلى الماتىدا حالىقارالىق ستاندارتقا ساي كەلەتٸن, 10 كورتى بار ADD PADEL ARENA كەشەنٸ سالىنباق. بۇل نىسان ورتالىق ازيياداعى ەڭ زاماناۋي سپورت ورتالىقتارىنىڭ بٸرٸ بولىپ, Premier Padel دەڭگەيٸندەگٸ جارىستار ٶتكٸزۋگە مٷمكٸندٸك بەرەدٸ.
سونىمەن قاتار, كەزدەسۋ بارىسىندا قاسىم-جومارت توقاەۆ فۋتبولدى دامىتۋ جايىنا توقتالدى. پرەزيدەنت ەلٸمٸزدە فۋتبول كلۋبتارىن جەكەشەلەندٸرۋ جەنە بەسەكەلەس ورتا قالىپتاستىرۋ باعىتىنداعى جۇمىستار جالعاسىپ جاتقانىن ايتتى.
ناسسەر ەل-حەلايفيگە ۋەفا اتقارۋشى كوميتەتٸنٸڭ مٷشەسٸ جەنە «پاري سەن-جەرمەن» كلۋبىنىڭ اكتسيونەرٸ رەتٸندە فۋتبولدى ناسيحاتتاۋعا قوسقان ٷلەسٸ ٷشٸن العىس بٸلدٸردٸ.
كەزدەسۋ سوڭىندا مەملەكەت باسشىسى قازاقستاننىڭ حالىقارالىق پادەل فەدەراتسيياسىمەن ىنتىماقتاستىعىن كەڭەيتۋ ەلدەگٸ پادەل سپورتىنىڭ دامۋىنا جەنە تانىمالدىلىعىنىڭ ارتۋىنا وڭ ىقپال ەتەتٸنٸنە سەنٸم بٸلدٸردٸ.
