تانىمال ەنشٸ ەركە ەسماحان فرانتسييا استاناسى پاريجگە بارىپ, ەلەمگە ەيگٸلٸ ٶنەر جۇلدىزى سەلين ديوننىڭ كونتسەرتٸن تاماشالاعانىن ايتتى, دەپ حابارلايدى ult.kz.
ٶنەر يەسٸ ەلەۋمەتتٸك جەلٸدەگٸ پاراقشاسىندا كونتسەرتتەن تٷسٸرٸلگەن بەينەجازبانى جارييالاپ, ەرەكشە ەسەرٸمەن بٶلٸستٸ. ەنشٸنٸڭ ايتۋىنشا, سەلين ديوندى ساحنادان ٶز كٶزٸمەن كٶرٸپ, جاندى داۋىستا ەن سالعانىن تىڭداۋ ونىڭ كٶپتەن بەرگٸ ارمانى بولعان.
"Paris. 2026. Plenitude Arena. Celine Dion. ەۋروپاداعى ەڭ ماڭىزدى, تٸپتٸ تاريحي وقيعا! سەليندٸ كٶزبەن كٶرٸپ, تٸرٸدەي تىڭداعانىما قۋانىشتىمىن! وسى جەردە بولعانىما باقىتتىمىن! شٷكٸر!" – دەپ جازدى ەركە ەسماحان.
ەنشٸ جارييالاعان ۆيدەودا سەلين ديوننىڭ ەيگٸلٸ My Heart Will Go On ەنٸن ورىنداعان سەتٸ كٶرسەتٸلگەن.
ايتا كەتەيٸك, بۇل تۋىندى 1997 جىلى جارىق كٶرگەن "تيتانيك" فيلمٸنٸڭ ساۋندترەگٸ رەتٸندە كەڭٸنەن تانىلىپ, ەلەمدٸك مۋزىكا تاريحىنداعى ەڭ تانىمال ەندەردٸڭ بٸرٸنە اينالدى.
ەركە ەسماحان ٷشٸن پاريجدەگٸ كونتسەرت سٷيٸكتٸ ەنشٸسٸنٸڭ ٶنەرٸن جاقىننان تاماشالاپ, كٶپتەن كٷتكەن تٸلەگٸن جٷزەگە اسىرعان ەرەكشە سەت بولعان.
ەركە ەسماحان كٸم?
ەركە ەسماحان – قازاقستاندىق ەسترادا ەنشٸسٸ, اكتريسا جەنە قازاق تٸلٸندەگٸ تانىمال ەندەردٸڭ ورىنداۋشىسى. ول 1984 جىلى 30 قاراشادا اقتٶبە وبلىسىنىڭ ىرعىز اۋىلىندا دٷنيەگە كەلگەن. بولاشاق ەنشٸ بالا كەزٸنەن مۋزىكاعا قىزىعىپ, ٶنەرگە جاقىن بولىپ ٶستٸ. العاشقى بٸلٸمٸن ىرعىزداعى ىبىراي التىنسارين اتىنداعى مەكتەپتە الىپ, كەيٸن اقتٶبەدەگٸ مۋزىكالىق مەكتەپتە وقۋىن جالعاستىردى. ول دومبىرا, قوبىز جەنە فورتەپيانو اسپاپتارىندا ويناۋدى مەڭگەرگەن. مەكتەپتەن كەيٸن احمەت جۇبانوۆ اتىنداعى مۋزىكالىق كوللەدجدٸڭ وپەرا بٶلٸمٸندە بٸلٸم الدى. كەيٸن الماتىداعى تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا ەسترادالىق ۆوكال ماماندىعىن يگەردٸ. ەركە ەسماحان كەسٸبي شىعارماشىلىق جولىن بايان ماقساتقىزىنىڭ پروديۋسەرلٸك ورتالىعىنا قاراستى "ٸڭكەر" توبىندا باستادى. توپ قۇرامىندا ٶنەر كٶرسەتكەننەن كەيٸن جەكە ەنشٸلٸك مانسابىنا دەن قويدى.
ونىڭ العاشقى جەكە شىعارماشىلىق تابىستارىنىڭ بٸرٸ "ايشا بيبٸ" ەنٸمەن بايلانىستى. بۇل تۋىندىنىڭ سٶزٸن اقىن فاريزا وڭعارسىنوۆا جازعان, ال ەنٸن كومپوزيتور بولات قوحامانوۆ شىعارعان. كەيٸن تٶرەعالي تٶرەەلٸمەن بٸرگە ورىنداعان "اللو" ەنٸ كەڭٸنەن تانىلىپ, تىڭدارماندار اراسىندا ٷلكەن سۇرانىسقا يە بولدى. ەسٸرەسە 2017 جىلى جارىق كٶرگەن "قايدا?" ەنٸ ەركە ەسماحاننىڭ تانىمالدىعىن ارتتىردى. اتالعان ەننٸڭ بەينەبايانى YouTube جەلٸسٸندە ميلليونداعان قارالىم جينادى. ەنشٸنٸڭ رەپەرتۋارىندا "اسىل ارمان", "بال سەزٸم", "ەركەمٸن", "ەيەل باقىتى" جەنە "جٷرەگٸم" سەكٸلدٸ شىعارمالار بار.
ەركە ەسماحان ەنشٸلٸكپەن قاتار كينو سالاسىندا دا ٶزٸن سىناپ كٶردٸ. ول 2018 جىلى "ماحاببات كافەسٸ" فيلمٸندە باستى رٶلدەردٸڭ بٸرٸن سومدادى. ٶنەر يەسٸ شىعارماشىلىعىندا ليريكالىق ەندەرگە, ماحاببات پەن ادام سەزٸمدەرٸن جەتكٸزەتٸن تۋىندىلارعا ەرەكشە ورىن بەرەدٸ. بٷگٸندە ەركە ەسماحان قازاق ەستراداسىنىڭ كەڭٸنەن تانىلعان ورىنداۋشىلارىنىڭ بٸرٸ سانالادى.
