Ózbekstanǵa memlekettik saparmen barǵan Qazaqstan Prezidenti Qasym-Jomart Toqaev atalmysh el halqyna jyly qabyldaýlary men qonaqjailyqtary úshin alǵys bildirdi, dep habarlaidy "Ult aqparat".
«Ózbekstan Respýblikasynyń Prezidenti Shavkat Mirziioevke jáne búkil ózbek halqyna jyly qabyldaý men qonaqjailyq úshin alǵysymdy bildiremin», - dep jazdy Q.Toqaev Instagramdaǵy paraqshasynda.
Sondai-aq Memleket basshysy memlekettik sapar barysynan birqatar fotosýrettermen bólisken.
Al QR Prezidentiniń baspasóz qyzmetiniń basshysy Berik Qurmanǵali Feisbýktegi paraqshasynda Q.Toqaev ózbekstandyq áriptesin Qazaqstanǵa saparmen kelýge shaqyrǵanyn jazdy.
«Qazaq xalqy «Ózbek óz aǵam» deidi. Ózbek xalqy «Qazaqtan joldasyń bolsa, jolda qalmaisyń» deidi. Baýyrlas eki eldiń dostyǵy, yntymaqtastyǵy arta bersin! Qazaqstan Respýblikasynyń Prezidenti Qasym-Jomart Toqaev Ózbekstan Respýblikasynyń Prezidenti Shavkat Mirziioevke, búkil ózbek halqyna jyly qabyldaý men qonaqjailyq úshin alǵysyn bildirdi jáne Ózbekstan basshysyn oǵan yńǵaily ýaqytta Qazaqstanǵa saparmen kelýge shaqyrdy», - dep jazdy ol.
