Qazaqstan Prezidenti Ekologiia, geologiia jáne tabiǵi resýrstar ministri Maǵzum Myrzaǵalievti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Maǵzum Myrzaǵaliev ministrlik jumysynyń negizgi baǵyttary boiynsha Memleket basshysy bergen tapsyrmalardyń oryndalý barysy týraly esep berdi.
Qazaqstan Prezidentine Ekologiialyq kodekstiń ázirlený barysy jóninde málimet berildi. Ministrdiń aitýynsha, Kodekstiń jobasyn daiyndaý kezinde jurtshylyqtyń pikiri men Ekonomikalyq yntymaqtastyq jáne damý uiymyna múshe elderdiń ozyq tájiribeleri eskerilip, Parlament qaraýyna engizilgen.
Sonymen qatar Maǵzum Myrzaǵaliev Qasym-Jomart Toqaevqa sý resýrstaryn basqarý jáne geologiialyq barlaýdyń jańa memlekettik baǵdarlamalaryn ázirleý jumystary týraly baiandady.
Memleket basshysy ministrge tiisti baǵdarlamalardy daiyndaý barysynda elimizdegi sý qaýipsizdiginiń barlyq aspektilerin muqiiat taldaýdy tapsyrdy. Sondai-aq geologiialyq barlaý salasyna sheteldik investorlardy tartýdyń mańyzdylyǵyn aitty.
