Foto:Aqorda
Memleket basshysy Ózbekstan Prezidentimen telefon arqyly sóilesti, - dep habarlaidy "Ult Aqparat" Aqordaǵa sillteme jasap.
Áńgimelesý barysynda Qasym-Jomart Toqaev Shavkat Mirziioevti týǵan kúnimen quttyqtap, oǵan baq-bereke jáne Ózbekstan halqynyń igiligi jolyndaǵy jaýapty qyzmetine tabys tiledi.
Qasym-Jomart Toqaev Qazaqstan men Ózbekstan arasyndaǵy dostyq, tatý kórshilik jáne odaqtastyq qatynastaryn nyǵaitýǵa Shavkat Mirziioevtiń qosqan zor úlesin joǵary baǵalaitynyn jetkizdi.
Prezidentter ekijaqty ózara yqpaldastyqtyń joǵary qarqynyn atap ótip, saýda-ekonomikalyq, kólik-logistikalyq, energetikalyq jáne mádeni-gýmanitarlyq salalardaǵy yntymaqtastyqty arttyrýdyń perspektivalaryn talqylady. Taraptar aimaqtyq jáne halyqaralyq kún tártibindegi ózekti máselelerdi qarastyrdy.
Sondai-aq, joǵary deńgeidegi bailanystardyń aldaǵy kestesin pysyqtady.
