Memleket basshysy Qasym-Jomart Toqaev Premer-Ministr Asqar Mamin men Parlament Senatynyń Tóraǵasy Dariǵa Nazarbaevany qabyldady, dep habarlaidy "Ult aqparat" Aqordaǵa silteme jasap
Premer-Ministr Asqar Mamin Prezident Qasym-Jomart Toqaevqa áleýmettik-ekonomikalyq damýdyń ózekti máseleleri, sheteldik investitsiialardy tartý barysy, memlekettik-jekemenshik áriptestik jobalaryn iske asyrý, óńirlerdi damytý jóninde qabyldanyp jatqan sharalar týraly baiandady.
Sondai-aq Asqar Mamin Prezidentke 2019 jylǵa arnalǵan respýblikalyq biýdjetti naqtylaý jobasy jaiynda da aqparat berdi. Memleket basshysy Premer-Ministrge qazan aiynyń ortasynda ótetin ekonomikalyq damý máselelerine arnalǵan Úkimettiń keńeitilgen otyrysyna daiyndyq jumystaryn bastaýdy tapsyrdy.
Senat Tóraǵasy Prezidentke Parlamenttiń joǵary palatasy jumysynyń jai-japsary men zań shyǵarý qyzmetiniń jospary týraly aitty. Prezident Joldaýdyń negizgi baǵyttaryn sapaly zańnamamen qamtamasyz etýdiń mańyzdylyǵyn atap ótti.
