مەملەكەت باسشىسى قاسىم-جومارت توقاەۆ پرەمەر-مينيستر اسقار مامين مەن پارلامەنت سەناتىنىڭ تٶراعاسى داريعا نازارباەۆانى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ
پرەمەر-مينيستر اسقار مامين پرەزيدەنت قاسىم-جومارت توقاەۆقا ەلەۋمەتتٸك-ەكونوميكالىق دامۋدىڭ ٶزەكتٸ مەسەلەلەرٸ, شەتەلدٸك ينۆەستيتسييالاردى تارتۋ بارىسى, مەملەكەتتٸك-جەكەمەنشٸك ەرٸپتەستٸك جوبالارىن ٸسكە اسىرۋ, ٶڭٸرلەردٸ دامىتۋ جٶنٸندە قابىلدانىپ جاتقان شارالار تۋرالى باياندادى.
سونداي-اق اسقار مامين پرەزيدەنتكە 2019 جىلعا ارنالعان رەسپۋبليكالىق بيۋدجەتتٸ ناقتىلاۋ جوباسى جايىندا دا اقپارات بەردٸ. مەملەكەت باسشىسى پرەمەر-مينيسترگە قازان ايىنىڭ ورتاسىندا ٶتەتٸن ەكونوميكالىق دامۋ مەسەلەلەرٸنە ارنالعان ٷكٸمەتتٸڭ كەڭەيتٸلگەن وتىرىسىنا دايىندىق جۇمىستارىن باستاۋدى تاپسىردى.
سەنات تٶراعاسى پرەزيدەنتكە پارلامەنتتٸڭ جوعارى پالاتاسى جۇمىسىنىڭ جاي-جاپسارى مەن زاڭ شىعارۋ قىزمەتٸنٸڭ جوسپارى تۋرالى ايتتى. پرەزيدەنت جولداۋدىڭ نەگٸزگٸ باعىتتارىن ساپالى زاڭنامامەن قامتاماسىز ەتۋدٸڭ ماڭىزدىلىعىن اتاپ ٶتتٸ.
