Qazaqstan Prezidenti Qasym-Jomart Toqaev Nur-Sultanǵa resmi saparmen kelgen Resei Federatsiiasynyń Syrtqy ister ministri Sergei Lavrovty qabyldady, dep habarlaidy "Ult aqparat" Aqordaǵa silteme jasap.
Taraptar eki jaqty yntymaqtastyqtyń aýqymdy máselelerin talqylady, sondai aq, aimaqtyq jáne halyqaralyq kún tártibindegi ózekti máselelerge qatysty pikir almasty.
Memleket basshysy Sergei Lavrovtyń Qazaqstan astanasyna resmi saparmen kelýi eki jaqty qarym-qatynastarǵa qosymsha serpin beretinin atap ótti. Sonymen qatar Prezident Sochidegi Valdai forýmynan alǵan áserimen bólisip, jiynnyń joǵary deńgeide ótkenin aitty.
– Bizdiń elderimizdiń arasynda eshqandai kúrdeli másele joq. Qazaqstan men Resei siiaqty áriptester úshin solai bolýy da zańdylyq. Biz odaqtastyǵymyzdy bekitip jáne damytýǵa nietti strategiialyq áriptestermiz, – dedi Qasym-Jomart Toqaev.
Sergei Lavrov Memleket basshysyna Qazaqstan-Resei arasyndaǵy joǵary deńgeide qol jetkizilgen kelisimderdiń júzege asyrylyp jatqany týraly málimet berdi. Sonymen qatar ol eki eldiń syrtqy ister ministrleri kelissózderiniń qorytyndysy týraly aitty.
– Bizdiń paiymdaýymyzsha, bailanystarymyzdyń damýy jaqsy. Qarym-qatynastarymyzdyń damýyna joǵary deńgeide berilgen serpin, biz úshin barlyq baǵyttaǵy ózara is-qimyldarymyzǵa baǵdar bolýy tiis, – dedi reseilik diplomat.
