قازاقستان پرەزيدەنتٸ قاسىم-جومارت توقاەۆ نۇر-سۇلتانعا رەسمي ساپارمەن كەلگەن رەسەي فەدەراتسيياسىنىڭ سىرتقى ٸستەر مينيسترٸ سەرگەي لاۆروۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
تاراپتار ەكٸ جاقتى ىنتىماقتاستىقتىڭ اۋقىمدى مەسەلەلەرٸن تالقىلادى, سونداي اق, ايماقتىق جەنە حالىقارالىق كٷن تەرتٸبٸندەگٸ ٶزەكتٸ مەسەلەلەرگە قاتىستى پٸكٸر الماستى.
مەملەكەت باسشىسى سەرگەي لاۆروۆتىڭ قازاقستان استاناسىنا رەسمي ساپارمەن كەلۋٸ ەكٸ جاقتى قارىم-قاتىناستارعا قوسىمشا سەرپٸن بەرەتٸنٸن اتاپ ٶتتٸ. سونىمەن قاتار پرەزيدەنت سوچيدەگٸ ۆالداي فورۋمىنان العان ەسەرٸمەن بٶلٸسٸپ, جيىننىڭ جوعارى دەڭگەيدە ٶتكەنٸن ايتتى.
– بٸزدٸڭ ەلدەرٸمٸزدٸڭ اراسىندا ەشقانداي كٷردەلٸ مەسەلە جوق. قازاقستان مەن رەسەي سيياقتى ەرٸپتەستەر ٷشٸن سولاي بولۋى دا زاڭدىلىق. بٸز وداقتاستىعىمىزدى بەكٸتٸپ جەنە دامىتۋعا نيەتتٸ ستراتەگييالىق ەرٸپتەستەرمٸز, – دەدٸ قاسىم-جومارت توقاەۆ.
سەرگەي لاۆروۆ مەملەكەت باسشىسىنا قازاقستان-رەسەي اراسىنداعى جوعارى دەڭگەيدە قول جەتكٸزٸلگەن كەلٸسٸمدەردٸڭ جٷزەگە اسىرىلىپ جاتقانى تۋرالى مەلٸمەت بەردٸ. سونىمەن قاتار ول ەكٸ ەلدٸڭ سىرتقى ٸستەر مينيسترلەرٸ كەلٸسسٶزدەرٸنٸڭ قورىتىندىسى تۋرالى ايتتى.
– بٸزدٸڭ پايىمداۋىمىزشا, بايلانىستارىمىزدىڭ دامۋى جاقسى. قارىم-قاتىناستارىمىزدىڭ دامۋىنا جوعارى دەڭگەيدە بەرٸلگەن سەرپٸن, بٸز ٷشٸن بارلىق باعىتتاعى ٶزارا ٸس-قيمىلدارىمىزعا باعدار بولۋى تيٸس, – دەدٸ رەسەيلٸك ديپلومات.
