Memleket basshysy Qasym-Jomart Toqaev Úkimetke Qyzylorda oblysyna naqty qoldaý kórsetýdi tapsyrdy, dep habarlaidy "Ult aqparat".
«Qyzylorda oblysy kúrdeli kezeńdi bastan keship jatyr. Óńirdiń negizgi tabysy munaidan túsetini belgili. Búgin de onyń qory taýsylyp, óndirý kólemi azaiyp barady. Soǵan qaramastan alǵa jyljýymyz kerek», - dedi Qasym-Jomart Toqaev Úkimettiń keńeitilgen otyrysynda.
Prezidenttiń aitýynsha, Qyzylorda óńirin qoldaý úshin jumys eki baǵytta júrgizilýi kerek.
«Birinshiden, jańa munai-gaz kenishterin barlap, qazirgi ken oryndaryna zertteý júrgizý kerek. Ekinshiden, óńirdiń ekonomikasyn ártaraptandyrǵan abzal. Sonymen qatar shaǵyn jáne orta biznes pen qyzmet kórsetý salasyn damytý óte mańyzdy. Bul mindetterdi oryndaýǵa óńirdiń óz shamasy jetpeidi. Biýdjeti jetkiliksiz. Sondyqtan Úkimetke Qyzylorda oblysyna naqty qoldaý kórsetýdi tapsyramyn», - dedi Memleket basshysy.
