Foto: Akorda.kz
Memleket basshysy LY iTECH kompaniiasynyń tóraǵasy Tszen Fantsin men HGTECH Co. Ltd kompaniiasynyń tóraǵasy Ma Sintsiandy qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Prezidentke turmystyq tehnikalardyń, avtokólikter men smartfondardyń qosalqy bólshekterin shyǵaratyn jáne innovatsiialyq tehnologiialar salasynda jumys isteitin Qytaidyń iri joǵary tehnologiialyq kásiporyndary jóninde málimet berildi.
Áńgimelesý barysynda investitsiialyq jobalardy júzege asyrý jáne qosalqy bólshekter men lazerlik qurylǵy óndirý úshin Qazaqstannan sirek kezdesetin metaldardy turaqty túrde jetkizý isin jolǵa qoiý perspektivalary talqylandy.
Sonymen qatar elimizdiń innovatsiialyq áleýetin nyǵaitý máseleleri de qarastyryldy.
Qasym-Jomart Toqaev eki eldiń strategiialyq seriktes ekenin, sonyń ishinde Qytaidyń «Bir beldeý – bir jol» jahandyq bastamasy aiasynda yntymaqtastyq ornatqanyn atap ótti.
