Qazaqstan Prezidenti Qasym-Jomart Toqaev Densaýlyq saqtaý ministrligine qarasty Masǵut Aiqymbaev atyndaǵy Asa qaýipti infektsiialar ulttyq ǵylymi ortalyǵy men Bilim jáne ǵylym ministrligine qarasty Ulttyq biotehnologiia ortalyǵynyń ujymdaryna quttyqtaý hat joldady, - dep habarlaidy Aqordanyń baspasóz qyzmeti.
«Ǵylymi institýttardyń ujymdaryn COVID-19 koronavirýsyn anyqtaýǵa arnalǵan diagnostikalyq test júiesin ázirleýimen quttyqtaimyn! Asa qaýipti infektsiialar ulttyq ǵylymi ortalyǵy men Ulttyq biotehnologiia ortalyǵynyń ǵalymdary halyqaralyq standarttarǵa sai keletin qajetti test júiesin qysqa merzimde jasap shyqty. Sizderdiń jetistikterińiz otandyq biomeditsina salasynyń básekege qabilettiligi joǵary ekenin kórsetedi. Álemge taraǵan koronavirýs indetine qarsy kúres júrip jatqan kezde bul jańalyqtyń usynylýy óte mańyzdy bolyp otyr. Ázirlengen test júiesi myńdaǵan azamatymyzdyń ómiri men densaýlyǵyn saqtap qalýǵa kómektesedi dep senemin», - dep jazylǵan Memleket basshysynyń quttyqtaý hatynda.
Qasym-Jomart Toqaev eki ǵylymi ortalyqtyń el igiligi jolyndaǵy jumystaryna tabys tilep, alǵys bildirdi.
