Qazaqstan Prezidenti Qasym-Jomart Toqaev Halyqaralyq valiýta qorynyń basqarýshy direktory Kristin Lagardpen kezdesti, dep habarlaidy "Ult aqparat" Aqordaǵa silteme jasap.
Memleket basshysy Kristin Lagardqa Astana ekonomikalyq forýmyna kelgeni úshin rizashylyq bildirdi.
– Nur-Sultan qalasyna qosh keldińiz! Sizdiń Astana ekonomikalyq forýmyna arnaiy kelip qatysýyńyz forým jumysyna da, Qazaqstanǵa da tiimdi bolaryna senim bildiremin, – dedi Qasym-Jomart Toqaev.
Kezdesý barysynda taraptar Qazaqstan men Halyqaralyq qor yntymaqtastyǵynyń negizgi baǵyttary, sondai-aq álemdik qarjy-ekonomika júiesiniń damýyndaǵy mańyzdy úderister týraly pikir almasty.
