قازاقستان پرەزيدەنتٸ قاسىم-جومارت توقاەۆ حالىقارالىق ۆاليۋتا قورىنىڭ باسقارۋشى ديرەكتورى كريستين لاگاردپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى كريستين لاگاردقا استانا ەكونوميكالىق فورۋمىنا كەلگەنٸ ٷشٸن ريزاشىلىق بٸلدٸردٸ.
– نۇر-سۇلتان قالاسىنا قوش كەلدٸڭٸز! سٸزدٸڭ استانا ەكونوميكالىق فورۋمىنا ارنايى كەلٸپ قاتىسۋىڭىز فورۋم جۇمىسىنا دا, قازاقستانعا دا تيٸمدٸ بولارىنا سەنٸم بٸلدٸرەمٸن, – دەدٸ قاسىم-جومارت توقاەۆ.
كەزدەسۋ بارىسىندا تاراپتار قازاقستان مەن حالىقارالىق قور ىنتىماقتاستىعىنىڭ نەگٸزگٸ باعىتتارى, سونداي-اق ەلەمدٸك قارجى-ەكونوميكا جٷيەسٸنٸڭ دامۋىنداعى ماڭىزدى ٷدەرٸستەر تۋرالى پٸكٸر الماستى.
