Memleket basshysy halyqaralyq kompaniialardyń basshylarymen birqatar kezdesý ótkizdi, - dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev Sheteldik investorlar keńesiniń 34-otyrysy qarsańynda "Fortescue Future Industries" kompaniiasynyń negizin qalaýshy ári direktorlar keńesiniń tóraǵasy Endriý Forresti, sondai-aq "Polimetall ÝK" aktsionerlik qoǵamynyń prezidenti Igor Finogenovti qabyldady.
Endriý Forrestpen kezdesý barysynda kómirtegin az paidalana otyryp damý máselesi talqylandy. Bul – Qazaqstannyń strategiialyq maqsattarynyń biri.
"Fortescue Future Industries" kompaniiasy direktorlar keńesiniń tóraǵasy Prezidentke kompaniianyń elimizdegi jel energetikasy jáne jasyl sýtegin óndirý jobalaryna investitsiia salý jospary týraly aitty.
Igor Finogenov Qasym-Jomart Toqaevqa álemdegi iri taý-ken jáne altyn óndirýshi kompaniialardyń qataryna kiretin "Polimetall ÝK" aktsionerlik qoǵamynyń jumysy týraly málimet berdi.
Kásipker Memleket basshysyna geologiialyq barlaý jumystaryn júrgizý jáne kún elektr stantsiialaryn salý jónindegi josparyn aitty.
