Prezident Qasym-Jomart Toqaev keibir elderdegi arandatýshylar týraly aitty, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy qazirgi álemde aqparattyq keńistiktegi keleńsiz jaittardyń aldyn alý jónindegi ózara is-áreketterdiń mańyzdylyǵy artyp kele jatqanyn atap ótti.
«Tsifrlyq tehnologiialardyń, áleýmettik jeliler men messendjerlerdiń qarqyndy damýy jaǵdaiynda orynsyz aitylǵan kez kelgen sóz, ásirese jastar arasynda óshpendilik pen etnosaralyq arazdyq týǵyzýy múmkin. Sonyń saldarynan qoǵamdaǵy birlik pen kelisimdi nyǵaitýǵa baǵyttalǵan kópjylǵy kúsh-jiger zaia ketedi.
Daý-janjal men dúrbeleńdi boldyrmaý úshin salalyq vedomstvolarymyz ben qoǵamdyq uiymdarymyz tyǵyz yntymaqtastyq ornatyp, túsindirý jumystaryn barynsha belsendi júrgizýge tiis. Kóp nárse bizdiń memleket qairatkerlerimizdiń saiasi jaýapkershiligine de bailanysty.
Ókinishke qarai, keibir elderde seriktes memleketter basshylaryna qatysty arandatýshylyq sipattaǵy sózder aitylyp júr. Bul, árine, bizdiń yntymaqtastyǵymyzǵa nuqsan keltiredi» - dedi Toqaev Ortalyq Aziia – Resei sammitinde.
