Prezident Qasym-Jomart Toqaev ótken aptada Astanada ótken iri halyqaralyq is-sharalar týraly aitty, - dep habarlaidy Tengrinews.kz agenttigi Memleket basshysynyń baspasóz qyzmetine silteme jasap.
"Qazaqstan qaitadan jahandyq dialog ortalyǵyna ainaldy. Bul - bizdiń dáiekti jáne teńgerimdi syrtqy saiasatymyzdyń tikelei nátijesi.
Bizdiń elimiz beibitshilik, yntymaqtastyq jáne ózara senim qundylyqtaryn dáiekti jáne tiimdi ilgeriletip jatyr. Sondyqtan Qazaqstan ózin ozyq ári jaýapty memleket retinde kórsete otyryp, joǵary halyqaralyq bedelge ie boldy", - dedi Toqaev Almaty oblysynyń jurtshylyǵymen kezdesýinde.
Strategiialyq baǵytty ustana otyryp, biz aldaǵy ýaqytta da elimiz ben halqymyzdyń uzaq merzimdi múddelerin pragmatikalyq turǵydan basshylyqqa alýymyz kerek, dep atap kórsetti Prezident.
"Qazirgi jahandyq álemde belsendi syrtqy saiasatsyz tabysty damý múmkin emes. Táýelsiz memleket retinde Qazaqstannyń ustanymyn álem bilýi kerek, bizdiń daýysymyz búkil halyqaralyq qaýymdastyqqa tanylýy tiis", - dep túiindedi Memleket basshysy.
