Memleket basshysy Qasym-Jomart Toqaev ekonomikanyń naqty sektoryn nesielendirýdi keńeitý jáne halyqtyń qaryz júktemesin azaitý sharalary týraly jarlyqqa qol qoidy, - dep habarlaidy Tengrinews.kz saity.
Ekonomikanyń naqty sektoryn qoljetimdi jáne turaqty qarjylandyrýdy qamtamasyz etý jáne halyqtyń qaryz júktemesin azaitý maqsatynda Memleket basshysy mynadai sheshim qabyldady.
Úkimet Ulttyq Bankpen jáne Qarjy naryǵyn retteý jáne damytý agenttigimen birlesip:
- Biryńǵai jinaqtaýshy zeinetaqy qoryna salymshylardyń jinaqtalǵan zeinetaqy qarajatynyń elý paiyzyna deiin investitsiialyq basqarýshy kompaniialarǵa aýdarý bóliginde quqyqtaryn keńeitý jóninde sharalar qabyldasyn;
- 2023 jylǵy 31 jeltoqsanǵa deiin ekinshi deńgeidegi bankter men kredittik biýrolardy zańdy tulǵalar, olardyń kiristeri men múlki týraly memlekettik derekter bazalarymen integratsiialaýdy qamtamasyz etsin.
Úkimet Ulttyq Bankpen jáne Básekelestikti qorǵaý jáne damytý agenttigimen birlesip 2023 jylǵy 1 mamyrǵa qarai "Qarapaiym zattar ekonomikasy" baǵdarlamasynyń sharttaryn qaita qaraidy, onyń ishinde:
- ekonomikanyń basym salalarynda baǵdarlama boiynsha syiaqy mólsherlemelerin sýbsidiialaý merzimin 5 jyldan 7 jylǵa deiin ulǵaitý;
- ekonomika salalarynyń basymdylyǵyna qarai saralanǵan sýbsidiia mólsherlemelerin belgileý.
Úkimet Qarjy naryǵyn retteý jáne damytý agenttigimen birlesip:
- 2023 jylǵy 30 sáýirge deiin sindikattalǵan qarjylandyrý jáne ekinshi deńgeidegi banktermen birlesip qarjylandyrý arqyly investitsiialyq jobalar pýlyn iske asyrý boiynsha jol kartasyn qabyldaý;
- 2023 jylǵy 30 qyrkúiekke deiin: ýaqytsha jer paidalaný quqyǵyn kepil ustaýshyǵa berý jáne ony keiinnen jer paidalaný quqyǵyn satyp almai júzege asyrý; strategiialyq obektilerdi qospaǵanda, kásipkerlik sýbektileriniń jer qoinaýyn paidalaný quqyǵyn satý jónindegi konkýrstarǵa jer qoinaýyn paidalaný salasyndaǵy ýákiletti organnyń mindetti ruqsatynsyz qatysý;
- salyq saiasaty tásilderiniń myna bólikterin qaita qaraý: Ulttyq Banktiń notalary boiynsha bank tabysyna salyq salý; jeke tulǵalardyń mikrokreditteri boiynsha bereshegin esepten shyǵarýǵa (keshirýge) bailanysty mikroqarjy uiymdarynyń kiristerine salyq salýdan ýaqytsha (úsh jylǵa) bosatý; kollektorlyq agenttikter bereshekti esepten shyǵarǵan (keshirgen) jaǵdaida jeke tulǵalardyń kiristerine salyq salýdan bosatý.
Úkimet 2023 jyl 31 jeltoqsanǵa deiin:
- astyq qolhattary ainalymynyń elektrondyq monitoringiniń tiimdiligin arttyrý jáne astyq kólemi men ainalymy týraly senimdi aqparat alý protsesterin tsifrlandyrý arqyly astyq qoimalaryndaǵy (silostar men astyq qabyldaý pýnktteri) astyq kólemi men sapasynyń saqtalýyn qamtamasyz etý boiynsha sharalar qabyldaý;
- Qarjy naryǵyn retteý jáne damytý agenttigi Ulttyq Bankpen birlesip, kvazimemlekettik sektor sýbektileriniń kepildigi bar astyq qolhattarynyń berik kepildikter sanatyna qosylýyn qamtamasyz etsin;
- Qazaqstan Respýblikasy Básekelestikti qorǵaý jáne damytý agenttigimen birlesip kásipkerlikti jeńildetilgen lizingtik qarjylandyrýdy kózdeitin memlekettik qoldaý sharalary sheńberinde respýblikalyq biýdjettiń jáne (nemese) kvazimemlekettik sektordyń qarajaty esebinen senimdilik kriteriilerine sáikes keletin jeke lizingtik kompaniialardy jeńildetilgen kreditteýdi ulǵaitý máselesin pysyqtasyn.
- bankterge jáne mikroqarjy uiymdaryna kredit berýdi ulǵaitý, "Báiterek" ulttyq basqarýshy holdinginiń uiymdarynan agroónerkásiptik keshen jáne tamaq ónerkásibi salalaryndaǵy jobalardy qosa qarjylandyrý tetikterin keńeitý boiynsha sharalar qabyldasyn.
