Foto:elements.envato.com
Prezident Qasym-Jomart Toqaev Jetisý óńiriniń jurtshylyǵymen kezdesýi barysynda Qazaqstannyń jer qoinaýynda litiidiń mol qory baryn málimdedi, - dep habarlaidy Tengrinews.kz.
"Bizdiń jer qoinaýymyzda ártúrli baǵalaýlar boiynsha 50-den 100 myń tonnaǵa deiin litii bar. Bul - úlken qor. Barlaý men igerýge eleýli investitsiialar qajet. Geologiialyq qyzmet osy baǵyttaǵy jumysty jandandyrýy kerek", - dedi Memleket basshysy.
Toqaev óńirdiń ónerkásip sektorynyń ósý qarqyny jaqsy ekenin aitty. Jyl basynan beri 23 nysan paidalanýǵa berilgen. Prezident Kazsilicon joǵary sapaly kremnii óndiretin birneshe jyl boiy jumys istemei turǵan zaýytty jańǵyrtý men iske qosýdy jáne "Elektromarganets" temirin tikelei qalpyna keltirý zaýytynyń qurylysyn erekshe atap ótti.
"Eki kásiporyn da elimiz úshin mańyzdy. Olar metallýrgiia salasyndaǵy ozyq tehnologiialardy damytý jáne taratý alańyna ainalýy tiis. Budan basqa, oblysta 2026 jylǵa deiin 7 myńnan asa jumys ornyn qurýmen 162 jobany qamtityn investitsiialyq portfel qalyptastyryldy", - dedi ol.
