Foto: Aqorda
Prezident Qasym-Jomart Toqaev Qazaqstan Respýblikasy Konstitýtsiiasynyń 30 jyldyǵyna arnalǵan "Konstitýtsiia jáne memlekettilik: quqyq pen bolashaq dialogy" atty ǵylymi-praktikalyq konferentsiiada sóz sóiledi, - dep habarlaidy Aqorda.
"Búgingi jiynnyń mán-mańyzy airyqsha. Osydan 30 jyl buryn búkilhalyqtyq referendýmda Qazaqstan Respýblikasynyń Konstitýtsiiasy qabyldandy. Bul egemen elimiz úshin tarihi sát boldy. Barshańyzǵa qutty bolsyn deimin.
Shyn máninde, Ata zańnan biik eshteńe joq. Sebebi Konstitýtsiia – memlekettigimizdiń myzǵymas tuǵyry, Táýelsizdigimizdiń ainymas temirqazyǵy.
Qazaq – Uly dala zańyna bas igen, ar-uiattan attamaǵan halyq. Qasym hannyń qasqa joly, Esim hannyń eski joly, Áz Táýkeniń Jeti jarǵysy – naǵyz dala zańynyń jarqyn úlgileri. Osy dástúr eshqashan úzilgen emes.
Jurtymyz dala zańynan qazirgi Ata zańyna deiin tarihi joldan ótti. Ótken ǵasyrdyń basynda qazaq ziialylary bul iske eleýli úles qosty. Keńes zamanynda elimizdiń quqyqtyq irgetasy qalandy, bilikti zańgerler shoǵyry paida boldy", - dedi Qasym-Jomart Toqaev.
