فوتو: اقوردا
پرەزيدەنت قاسىم-جومارت توقاەۆ قازاقستان رەسپۋبليكاسى كونستيتۋتسيياسىنىڭ 30 جىلدىعىنا ارنالعان "كونستيتۋتسييا جەنە مەملەكەتتٸلٸك: قۇقىق پەن بولاشاق ديالوگى" اتتى عىلىمي-پراكتيكالىق كونفەرەنتسييادا سٶز سٶيلەدٸ, - دەپ حابارلايدى اقوردا.
"بٷگٸنگٸ جيىننىڭ مەن-ماڭىزى ايرىقشا. وسىدان 30 جىل بۇرىن بٷكٸلحالىقتىق رەفەرەندۋمدا قازاقستان رەسپۋبليكاسىنىڭ كونستيتۋتسيياسى قابىلداندى. بۇل ەگەمەن ەلٸمٸز ٷشٸن تاريحي سەت بولدى. بارشاڭىزعا قۇتتى بولسىن دەيمٸن.
شىن مەنٸندە, اتا زاڭنان بيٸك ەشتەڭە جوق. سەبەبٸ كونستيتۋتسييا – مەملەكەتتٸگٸمٸزدٸڭ مىزعىماس تۇعىرى, تەۋەلسٸزدٸگٸمٸزدٸڭ اينىماس تەمٸرقازىعى.
قازاق – ۇلى دالا زاڭىنا باس يگەن, ار-ۇياتتان اتتاماعان حالىق. قاسىم حاننىڭ قاسقا جولى, ەسٸم حاننىڭ ەسكٸ جولى, ەز تەۋكەنٸڭ جەتٸ جارعىسى – ناعىز دالا زاڭىنىڭ جارقىن ٷلگٸلەرٸ. وسى دەستٷر ەشقاشان ٷزٸلگەن ەمەس.
جۇرتىمىز دالا زاڭىنان قازٸرگٸ اتا زاڭىنا دەيٸن تاريحي جولدان ٶتتٸ. ٶتكەن عاسىردىڭ باسىندا قازاق زييالىلارى بۇل ٸسكە ەلەۋلٸ ٷلەس قوستى. كەڭەس زامانىندا ەلٸمٸزدٸڭ قۇقىقتىق ٸرگەتاسى قالاندى, بٸلٸكتٸ زاڭگەرلەر شوعىرى پايدا بولدى", - دەدٸ قاسىم-جومارت توقاەۆ.
