Memleket basshysy Aziiadaǵy ózara is-qimyl jáne senim sharalary jónindegi keńes hatshylyǵynyń Atqarýshy direktory Qairat Sarybaidy qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Aziiadaǵy ózara is-qimyl jáne senim sharalary jónindegi keńes hatshylyǵynyń jańadan taǵaiyndalǵan Atqarýshy direktory Qairat Sarybaidy qabyldady.
Suhbat barysynda taraptar Aziia keńesine Qazaqstan tóraǵalyq etetin 2021-22 jyldardaǵy basymdyqtar jaiynda pikir almasty. Prezident qazirgidei táýekeli men syn-qateri órshigen aýmaly-tókpeli zamanda Keńestiń aimaqtyq jáne ǵalamdyq qaýipsizdikti qamtamasyz etýdegi rólin arttyrý men onyń institýtsionaldyq damý máselelerine nazar aýdardy. Sondai-aq Aziia keńesin basqa da kópjaqty halyqaralyq uiymdarmen yntymaqtastyqty odan ári damytýǵa shaqyrdy.
Óz kezeginde Atqarýshy direktor Aziiadaǵy ózara is-qimyl jáne senim sharalary jónindegi keńes qurylǵan ýaqyttan beri bedeldi de belsendi uiym retinde qalyptasqanyn atap ótti. Sonymen qatar Keńeske múshe elderdiń Dýshanbe sammitinde qabyldanǵan Deklaratsiiasyna sáikes qol jetkizilgen ýaǵdalastyqtardy júzege asyrý boiynsha atqarylyp jatqan jumystar týraly aqparat berdi.
Qasym-Jomart Toqaev pen Qairat Sarybai AÓSShK aiasynda aldaǵy ýaqytta josparlanǵan is-sharalar, atap aitqanda, 2022 jyly Qazaqstanda ótetin Aziia keńesiniń VI sammitine daiyndyq máseleleri týraly oi bólisti.
Kezdesý sońynda Memleket basshysy Qazaqstan Aziia keńesiniń jumysyna jańa serpin berýge óz úlesin qosýǵa daiyn ekenin qýattap, múshe memleketter men hatshylyqtyń aldynda turǵan ortaq maqsattardy iske asyrýǵa baǵyttalǵan kúsh-jigerin tolyq qoldaitynyn málimdedi.
