مەملەكەت باسشىسى ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس حاتشىلىعىنىڭ اتقارۋشى ديرەكتورى قايرات سارىبايدى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس حاتشىلىعىنىڭ جاڭادان تاعايىندالعان اتقارۋشى ديرەكتورى قايرات سارىبايدى قابىلدادى.
سۇحبات بارىسىندا تاراپتار ازييا كەڭەسٸنە قازاقستان تٶراعالىق ەتەتٸن 2021-22 جىلدارداعى باسىمدىقتار جايىندا پٸكٸر الماستى. پرەزيدەنت قازٸرگٸدەي تەۋەكەلٸ مەن سىن-قاتەرٸ ٶرشٸگەن اۋمالى-تٶكپەلٸ زاماندا كەڭەستٸڭ ايماقتىق جەنە عالامدىق قاۋٸپسٸزدٸكتٸ قامتاماسىز ەتۋدەگٸ رٶلٸن ارتتىرۋ مەن ونىڭ ينستيتۋتسيونالدىق دامۋ مەسەلەلەرٸنە نازار اۋداردى. سونداي-اق ازييا كەڭەسٸن باسقا دا كٶپجاقتى حالىقارالىق ۇيىمدارمەن ىنتىماقتاستىقتى ودان ەرٸ دامىتۋعا شاقىردى.
ٶز كەزەگٸندە اتقارۋشى ديرەكتور ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس قۇرىلعان ۋاقىتتان بەرٸ بەدەلدٸ دە بەلسەندٸ ۇيىم رەتٸندە قالىپتاسقانىن اتاپ ٶتتٸ. سونىمەن قاتار كەڭەسكە مٷشە ەلدەردٸڭ دۋشانبە سامميتٸندە قابىلدانعان دەكلاراتسيياسىنا سەيكەس قول جەتكٸزٸلگەن ۋاعدالاستىقتاردى جٷزەگە اسىرۋ بويىنشا اتقارىلىپ جاتقان جۇمىستار تۋرالى اقپارات بەردٸ.
قاسىم-جومارت توقاەۆ پەن قايرات سارىباي اٶسشك اياسىندا الداعى ۋاقىتتا جوسپارلانعان ٸس-شارالار, اتاپ ايتقاندا, 2022 جىلى قازاقستاندا ٶتەتٸن ازييا كەڭەسٸنٸڭ VI سامميتٸنە دايىندىق مەسەلەلەرٸ تۋرالى وي بٶلٸستٸ.
كەزدەسۋ سوڭىندا مەملەكەت باسشىسى قازاقستان ازييا كەڭەسٸنٸڭ جۇمىسىنا جاڭا سەرپٸن بەرۋگە ٶز ٷلەسٸن قوسۋعا دايىن ەكەنٸن قۋاتتاپ, مٷشە مەملەكەتتەر مەن حاتشىلىقتىڭ الدىندا تۇرعان ورتاق ماقساتتاردى ٸسكە اسىرۋعا باعىتتالعان كٷش-جٸگەرٸن تولىق قولدايتىنىن مەلٸمدەدٸ.
