QR Prezidenti Qasym-Jomart Toqaev qarjyny baqylaýshy organdardyń ózderi sybailas jemqorlyqqa belshesinen batqanyn aitty, dep habarlaidy QazAqparat.
«Qarjyny baqylaý organdaryndaǵy jemqorlyq ta jaǵdaidy qiyndatyp otyr. Sybailas jemqorlyqqa qarsy qyzmet Ishki memlekettik aýdit mamandarynyń úrli shaǵymdardy qoldan uiymdastyrǵan faktilerin anyqtady. Sonyń negizinde paidakúnemdik maqsatpen tekserýler júrgizip oytrǵan», - dedi búgingi sybailas jemqorlyqqa qarsy is-qimyl jónindegi keńeste Memleket bashysy.
Qasym-Jomart Toqaev biýdjet qarajatynyń oryndy jumsalýyn qadaǵalaýy tiis mekemeniń ózderi qoldan uiymdastyrǵan shaǵymdardy qaraýdan qoly timeitinin synady.
«Byltyr bir ǵana jaýapkershiligi shekteýli seriktestikten osy mazmundaǵy 1600 shaǵym túsken. Onyń 900-i rastaldy. Osyda keiin, árine, naqty shaǵymdar elenbei qalady. Sondyqtan Úkimet sybailas jemqorlyqqa qarsy is-qimyl jáne qarjy monitoringi agenttikterimen birlesip, osy saladaǵy memlekettik baqylaý júiesin qosa alǵanda, memleket pen kvazimemlekettik sektordyń satyp alýyn retteý tásilderin túbegeili ózgertýi kerek», - dedi Prezident.
