Memleket basshysy Qasym-Jomart Toqaev Qaraǵandy oblysynyń ákimi Jeńis Qasymbekti qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Prezidentke Qaraǵandy oblysynyń biylǵy 10 aidaǵy áleýmettik-ekonomikalyq damýynyń negizgi kórsetkishteri týraly esep berildi. Sondai-aq aimaqtyń ónerkásip, aýyl sharýashylyǵy jáne investitsiia tartý salalary qarqyndy damyp kele jatqany týraly baiandaldy.
Jeńis Qasymbektiń aitýynsha, ónerkásip ónimin óndirý kólemi 3,1 trillion teńgeni (1,5 paiyzǵa artqan) qurady. Óńdeý ónerkásibindegi óndiris kórsetkishi 6,3 paiyzǵa artty. Oblys ekonomikasyna 522,2 milliard teńge investitsiia tartyldy (8,5 paiyzǵa kóbeigen), onyń basym bóligi (92 paiyz) jeke investitsiiaǵa tiesili. 2022 jyldyń qańtar-qazan ailarynda 414,4 myń sharshy metr turǵyn úi paidalanýǵa berildi. Bul ótken jyldyń osy kezeńimen salystyrǵanda 1,7 paiyzǵa kóp.
Sonymen qatar, Memleket basshysyna Qaraǵandy oblysynyń avtomobil joldaryn damytý, halyqty sýmen qamtamasyz etý jóninde málimet berildi. Jeńis Qasymbek "ArselorMittal Temirtaý" kompaniiasyndaǵy jaǵdai týraly da baiandady.
Kezdesý sońynda Qasym-Jomart Toqaev óńir ekonomikasyn odan ári damytý jóninde birqatar tapsyrma berdi.
