Sýret: Aqorda
Memleket basshysy Qasym-Jomart Toqaev Iran islam respýblikasynyń prezidenti Ibrahim Raisidiń qazasyna qatysty kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Toqaev Ibrahim Raisi men úkimettik delegatsiia músheleriniń Shyǵys Ázirbaijan provintsiiasynda tikushaq apaty saldarynan qaitys bolýyna bailanysty Qazaqstan halqynyń jáne jeke óziniń atynan osy eldiń Joǵary lideri Áli Hamenei men Birinshi Vitse-Prezidenti Mohammad Mohberge jáne barsha iran halqyna kóńil aitty.
"Tikushaq apaty saldarynan Iran Islam Respýblikasynyń prezidenti Ibrahim Raisi men onyń senimdi serikteriniń qaitys bolǵany týraly sýyt habardy tereń kúizelispen qabyl aldym. Ibrahim Raisi – Iran memleketi men halqynyń ál-aýqatyn arttyrýǵa, múddesiniń muqalmaýyna, aimaqtaǵy turaqtylyqty saqtaýǵa óz ómirin riiasyz arnaǵan kórnekti memleket qairatkeri. Onyń qolǵa alǵan bastamalary men jetistikteri halyqaralyq qaýymdastyq tarapynan joǵary baǵalanǵany barshaǵa málim. Qazaqstandyqtar Ibrahim Raisidi parasatty basshy, halyqaralyq deńgeidegi bedeldi saiasatker, ekijaqty yntymaqtastyqty nyǵaitýǵa zor eńbek sińirgen tulǵa retinde árdaiym esinde saqtaidy. Marqumdardyń jatqan jeri jaily, topyraǵy torqa bolsyn", – dep jazylǵan jedelhatta.
Aita keteiik, buǵan deiin Iran prezidenti Ibrahim Raisimen tikushaq Ázirbaijan shekarasyna jaqyn Verzegan qalasynda apatty túrde qonǵan edi. Bortta prezidentten bólek, eldiń Syrtqy ister ministrliginiń basshysy da bolǵan.
Apatqa deiin Ibrahim Raisi Ázirbaijan basshysy Ilham Álievpen Araks ózeniniń jaǵasyndaǵy eki eldiń shekara beketinde kezdesken.
Al dúisenbige qaraǵan túni Iran prezidenti Ibragim Raisi taýlarda tikushaq apatynan qaza tapqany týraly habarlandy.
