"Qazaqmys" korporatsiiasy Jezqazǵan ken orny aýmaǵynda mys qorynyń qosymsha kólemin anyqtaý jáne qoldanystaǵy kenishterdiń shikizat bazasyn qalyptastyrý maqsatynda geologiialyq barlaý jumysyn júrgizip jatyr. Ásirese Jezqazǵannyń taý-ken kásiporyndaryn odan ári damytýǵa bailanysty №114 kelisimshart aiasyndaǵy ýchaskelerge erekshe nazar aýdarylýda, dep habarlaidy Ult.kz.
Qazaqmystyń jańa komandasy mineraldyq-shikizat bazasyn damytýdy uzaq merzimdi jumystyń basym baǵyttarynyń biri retinde qarastyrady.
2026 jyldyń toǵyz aiynda «Qazaqmys Barlaý» JShS enshiles kompaniiasy korporatsiia jobalary boiynsha 17,2 myń qýma metr geologiialyq barlaý, burǵylaý jumysyn oryndady. Bul josparly kórsetkishtiń 104,6%-yn quraidy.
Negizgi baǵyttardyń biri – №114 kelisimshart sheńberinde geologiialyq barlaý jumysyn júrgizý. Jezqazǵan ken ornynyń qaptaldarynda jalpy uzyndyǵy 4 750 qýma metr bolatyn jeti uńǵyma burǵylandy. Sonymen qatar tereń deńgeijiekterdi zertteý úshin jalpy tereńdigi 3 500 metrden asatyn taǵy tórt uńǵyma burǵylandy.
Budan bólek Geologiialyq barlaý partiiasy kentiniń mańynda buryn zertteý barysynda nazardan tys qalǵan jer betine jaqyn mys qorlaryn zerdeleý jumysy júrgizilýde. Esepti kezeńde bul aýmaqta shamamen 1 800 qýma metr burǵylaý jumysy oryndaldy.
№114 kelisimshart aiasyndaǵy úsh joba boiynsha bekitilgen burǵylaý jumysynyń jalpy kólemi 19 490 qýma metrdi quraidy. Qazirgi ýaqytta jumys jalǵasýda. Sonymen qatar mamandar alynǵan geologiialyq materialdarǵa taldamalyq zertteý júrgizip jatyr.
Jezqazǵan-Jylandy kendi aýdanyn odan ári zertteý úshin geohimiialyq jáne geofizikalyq zertteý, sonyń ishinde 2D-seismikalyq barlaý júrgizý kózdelgen. Keshendi tásil bolashaǵy bar ýchaskelerdiń geologiialyq qurylysyn naqtylaýǵa jáne aldaǵy izdestirý jumysynyń baǵytyn anyqtaýǵa múmkindik beredi.
Sonymen qatar kólemi 30 myń qýma metrden asatyn qosymsha burǵylaý baǵdarlamasy ázirlendi. Ony iske asyrýdy 2027 jyly bastaý josparlanyp otyr.
Geologiialyq barlaý jumysy Qazaqmystyń basqa da óndiristik alańdarynda júrgizilýde. Nurqazǵan ken ornynda 2 300 qýma metrden astam burǵylaý jumysy oryndaldy. Qajyqonǵan-Altyntóbe kendi alańynda 1 600 metr burǵylandy. Abyz ýchaskesinde josparlanǵan 5 100 metrdiń 2 800 metrden astamy oryndaldy.
Kompaniia sondai-aq Qaraǵaily jáne Balqash baiytý fabrikalarynyń shikizat bazasyn keńeitý múmkindigin zerdelep, perspektivaly ýchaskeler men mineraldyq shikizattyń tehnologiialyq sipattamasyn zerttep jatyr.
Geologiialyq barlaý – Qazaqmysty damytýdyń negizgi baǵyttarynyń biri. Qoldanystaǵy ken oryndarynyń qaptaldary men tereń deńgeijiekterinde qosymsha qorlardy izdeý, olardyń bolashaqta igerilýin baǵalaý, taý-ken jumysyn josparlaý jáne uzaq merzimdi óndiristik baǵdarlama qalyptastyrý úshin qajet.
Kompaniia burǵylaý jumysynyń nátijelerine, zerthanalyq zertteýlerge jáne resýrstyq áleýetti keshendi baǵalaýǵa súiene otyryp, geologiialyq barlaý jobalaryn júieli túrde damytýdy kózdeidi.
