سۋرەت: اقوردا
مەملەكەت باسشىسى قاسىم-جومارت توقاەۆ يران يسلام رەسپۋبليكاسىنىڭ پرەزيدەنتٸ يبراحيم رايسيدٸڭ قازاسىنا قاتىستى كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
توقاەۆ يبراحيم رايسي مەن ٷكٸمەتتٸك دەلەگاتسييا مٷشەلەرٸنٸڭ شىعىس ەزٸربايجان پروۆينتسيياسىندا تٸكۇشاق اپاتى سالدارىنان قايتىس بولۋىنا بايلانىستى قازاقستان حالقىنىڭ جەنە جەكە ٶزٸنٸڭ اتىنان وسى ەلدٸڭ جوعارى ليدەرٸ ەلي حامەنەي مەن بٸرٸنشٸ ۆيتسە-پرەزيدەنتٸ موحامماد موحبەرگە جەنە بارشا يران حالقىنا كٶڭٸل ايتتى.
"تٸكۇشاق اپاتى سالدارىنان يران يسلام رەسپۋبليكاسىنىڭ پرەزيدەنتٸ يبراحيم رايسي مەن ونىڭ سەنٸمدٸ سەرٸكتەرٸنٸڭ قايتىس بولعانى تۋرالى سۋىت حاباردى تەرەڭ كٷيزەلٸسپەن قابىل الدىم. يبراحيم رايسي – يران مەملەكەتٸ مەن حالقىنىڭ ەل-اۋقاتىن ارتتىرۋعا, مٷددەسٸنٸڭ مۇقالماۋىنا, ايماقتاعى تۇراقتىلىقتى ساقتاۋعا ٶز ٶمٸرٸن ريياسىز ارناعان كٶرنەكتٸ مەملەكەت قايراتكەرٸ. ونىڭ قولعا العان باستامالارى مەن جەتٸستٸكتەرٸ حالىقارالىق قاۋىمداستىق تاراپىنان جوعارى باعالانعانى بارشاعا مەلٸم. قازاقستاندىقتار يبراحيم رايسيدٸ پاراساتتى باسشى, حالىقارالىق دەڭگەيدەگٸ بەدەلدٸ ساياساتكەر, ەكٸجاقتى ىنتىماقتاستىقتى نىعايتۋعا زور ەڭبەك سٸڭٸرگەن تۇلعا رەتٸندە ەردايىم ەسٸندە ساقتايدى. مارقۇمداردىڭ جاتقان جەرٸ جايلى, توپىراعى تورقا بولسىن", – دەپ جازىلعان جەدەلحاتتا.
ايتا كەتەيٸك, بۇعان دەيٸن يران پرەزيدەنتٸ يبراحيم رايسيمەن تٸكۇشاق ەزٸربايجان شەكاراسىنا جاقىن ۆەرزەگان قالاسىندا اپاتتى تٷردە قونعان ەدٸ. بورتتا پرەزيدەنتتەن بٶلەك, ەلدٸڭ سىرتقى ٸستەر مينيسترلٸگٸنٸڭ باسشىسى دا بولعان.
اپاتقا دەيٸن يبراحيم رايسي ەزٸربايجان باسشىسى يلحام ەليەۆپەن اراكس ٶزەنٸنٸڭ جاعاسىنداعى ەكٸ ەلدٸڭ شەكارا بەكەتٸندە كەزدەسكەن.
ال دٷيسەنبٸگە قاراعان تٷنٸ يران پرەزيدەنتٸ يبراگيم رايسي تاۋلاردا تٸكۇشاق اپاتىنان قازا تاپقانى تۋرالى حابارلاندى.
