QR Prezidenti Qasym-Jomart Toqaev Grammy syilyǵyna ie bolǵan Imanbek Zeikenovti quttyqtady, dep habarlaidy "Ult aqparat".
Prezidenttiń baspasóz hatshysy Berik Ýálidiń jazýynsha, Memleket basshysy Qasym-Jomart Toqaev qazaqstandyq Imanbek Zeikenovke asa bedeldi Grammy mýzykalyq syilyǵynyń tabys etilýi jónindegi jańalyqty zor qýanyshpen qabyldady.
«Óziniń talanty men maqsat qoia bilýiniń arqasynda didjei Imanbek álemdik shoý-biznestiń basty syilyqtarynyń birin ielendi. Onyń shyǵarmashylyǵy qazaqstandyq jastardyń da eń biik shyńdardy baǵyndyra alatynyn dáleldedi.
Prezidenttiń atynan Imanbekti osy jarqyn jeńisimen quttyqtaimyn jáne jańa shyǵarmashylyq tabystar tileimin!», - dedi Berik Ýáli.
Eske salaiyq, qazaqstandyq mýzykant Imanbek Zeikenovtiń SAINt JHN atty ánshiniń Roses ánine jazylǵan remiksi Grammy syilyǵyn jeńip aldy. Syilyq jeńimpazdaryn jariialaý rásimi 14 naýryzda ótti.
Álemge tanymal bolǵan pavlodarlyq didjei taiaýda Rita Ora jáne David Guetta siiaqty álemge áigili mýzykanttarmen birge án jazdy. Amerikanyń The New York Times gazeti otandasymyz jaily maqala da jariialandy.
Imanbek ótken jyldyń jeltoqsanyna deiin jergilikti temir jol stansasynda jumys istegen. 2019 jyldyń jazynda Saint Jhn atty reperdiń Roses atty ánin taýyp, soǵan remiks jazýdy qolǵa alady. Bul kompozitsiia úsh jyl buryn shyǵyp qoiǵan bolatyn. Imanbek ánge remiks jazyp, ony áleýmettik jelige jariialaidy. Arada birneshe ai ótkende ol pop juldyzǵa ainaldy.
