Qazaqstan Prezidenti Qasym-Jomart Toqaev Oral aqparattyq tehnologiialar kolledjiniń oqytýshylarymen jáne stýdentterimen kezdesti, dep habarlaidy "Ult aqparat" Aqordaǵa silteme jasap.
Memleket basshysy tsifrlandyrý baǵytynda bilim berýge basymdyq beretin kolledjdiń jobalarmen tanysty.
Elimizde alǵash ret ǵimarattardyń pishinin úsh ólshemdi 3D modeldeý ádisimen jobalai alatyn keshen osy aqparattyq tehnologiialar kolledjinde iske asyrylǵan. Mamandar bul tehnologiiamen jumys isteý úshin 3 ai Finliandiiada oqyp qaitty.
Sonymen qatar, Memleket basshysyna STEM bilim berý baǵdarlamasy tanystyryldy. STEM akademiialyq ǵylymi-tehnikalyq tujyrymdamasy – naqty ómir úlgisinde oqytatyn integratsiialanǵan oqytý ádisi.
– Qazirgi kezde sapaly bilim berý jáne qajetti mamandyqtar boiynsha oqytý asa mańyzdy. Kolledjderde bilim berýdiń jańa mazmunyn engizý jumystaryn alǵashqylardyń biri bolyp sizderdiń óńirlerińizdiń bastaǵany qýantty, – dedi Qasym-Jomart Toqaev.
Memleket basshysyna óńirde tsifrlandyrý baǵdarlamasy aiasynda qolǵa alynǵan «Ashyq ákimdik», «SmartUralsk», «IkomekUralsk» jobalary tanystyryldy.
Kezdesýden keiin Qasym-Jomart Toqaev kolledj stýdentterimen áńgimelesip, bilim salasyn qoldaý isi jalǵasa beretinin atap ótti.
