قازاقستان پرەزيدەنتٸ قاسىم-جومارت توقاەۆ ورال اقپاراتتىق تەحنولوگييالار كوللەدجٸنٸڭ وقىتۋشىلارىمەن جەنە ستۋدەنتتەرٸمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى تسيفرلاندىرۋ باعىتىندا بٸلٸم بەرۋگە باسىمدىق بەرەتٸن كوللەدجدٸڭ جوبالارمەن تانىستى.
ەلٸمٸزدە العاش رەت عيماراتتاردىڭ پٸشٸنٸن ٷش ٶلشەمدٸ 3D مودەلدەۋ ەدٸسٸمەن جوبالاي الاتىن كەشەن وسى اقپاراتتىق تەحنولوگييالار كوللەدجٸندە ٸسكە اسىرىلعان. ماماندار بۇل تەحنولوگييامەن جۇمىس ٸستەۋ ٷشٸن 3 اي فينلياندييادا وقىپ قايتتى.
سونىمەن قاتار, مەملەكەت باسشىسىنا STEM بٸلٸم بەرۋ باعدارلاماسى تانىستىرىلدى. STEM اكادەمييالىق عىلىمي-تەحنيكالىق تۇجىرىمداماسى – ناقتى ٶمٸر ٷلگٸسٸندە وقىتاتىن ينتەگراتسييالانعان وقىتۋ ەدٸسٸ.
– قازٸرگٸ كەزدە ساپالى بٸلٸم بەرۋ جەنە قاجەتتٸ ماماندىقتار بويىنشا وقىتۋ اسا ماڭىزدى. كوللەدجدەردە بٸلٸم بەرۋدٸڭ جاڭا مازمۇنىن ەنگٸزۋ جۇمىستارىن العاشقىلاردىڭ بٸرٸ بولىپ سٸزدەردٸڭ ٶڭٸرلەرٸڭٸزدٸڭ باستاعانى قۋانتتى, – دەدٸ قاسىم-جومارت توقاەۆ.
مەملەكەت باسشىسىنا ٶڭٸردە تسيفرلاندىرۋ باعدارلاماسى اياسىندا قولعا الىنعان «اشىق ەكٸمدٸك», «SmartUralsk», «IkomekUralsk» جوبالارى تانىستىرىلدى.
كەزدەسۋدەن كەيٸن قاسىم-جومارت توقاەۆ كوللەدج ستۋدەنتتەرٸمەن ەڭگٸمەلەسٸپ, بٸلٸم سالاسىن قولداۋ ٸسٸ جالعاسا بەرەتٸنٸن اتاپ ٶتتٸ.
