Prezident Atyraý oblysyna jumys sapary barysynda «Kazakhstan Petrochemical Industries Inc» JShS-na qarasty biriktirilgen gaz-himiia keshenin iske qosty, dep habarlaidy Aqorda.
Kezdesýde «Qazmunaigaz» ulttyq kompaniiasynyń basqarma tóraǵasy Maǵzum Myrzaǵaliev Memleket basshysyna gaz-himiia kesheniniń damý perspektivasy týraly baiandady. Jalpy, keshen qurylysyna 4300 adam jumysqa tartylǵan. Ol tolyq iske qosylǵanda 631 adam turaqty jumyspen qamtylady.
«Teńiz» ken ornynda óndiriletin shikizatty óńdeýge baǵyttalǵan kásiporyn jylyna 500 myń tonna polipropilen shyǵara alady. Bul álem boiynsha polipropilen óndirisiniń 1 paiyzyn quraidy.
Óndiris oshaǵy elimizdiń polipropilenge degen suranysyn ótep qana qoimai, qurylys, meditsina, avtomobil qurastyrý, tamaq ónerkásibi sekildi salalarda polipropilennen túrli buiym shyǵaratyn shaǵyn jáne orta biznestiń damýyna yqpal etedi.
Kásiporynda amerikalyq «Lummus Technology Inc» kompaniiasynyń Catofin jáne Novolen tehnologiialary paidalanylady. Álemde mundai keshen Saýd Arabiiasy, AQSh, Belgiia, Ońtústik Koreia jáne Qytai sekildi 5 elde ǵana bar.
