Foto: Aqorda
Memleket basshysy Qasym-Jomart Toqaev Halyqaralyq kinologiia federatsiiasynyń prezidenti Tamash Iakkeldi qabyldady, dep habarlaidy Ult.kz.
Kezdesý barysynda qazaqy it tuqymdaryn saqtaý jáne olardyń turaqty genetikalyq qoryn qalyptastyrý baǵytyndaǵy yntymaqtastyq máseleleri qarastyryldy. Prezident Tamash Iakkelge qazaq tazysyn aldyn ala taný jónindegi sheshimge qosqan úlesi úshin alǵys bildirdi. Bul sheshim 2024 jyly Amsterdam qalasynda ótken federatsiianyń Bas komiteti otyrysynda qabyldanǵan.
Memleket basshysy tazy men tóbet tuqymdarynyń mańyzy tek kinologiiamen shektelmeitinin atap ótti. Onyń aitýynsha, bul janýarlar qazaq halqynyń tarihi-mádeni murasymen tyǵyz bailanysty jáne ulttyq qundylyqtardyń biri sanalady.
Qazirgi tańda Qazaqstan kinologtar odaǵynyń biryńǵai asyl tuqymdy itter kitabynda 4 myńǵa jýyq tazy tirkelgen. Sonymen qatar salada tiisti zańnamalyq aktiler qabyldanǵan.
Prezident aldaǵy ýaqytta Jetisý oblysynda it tuqymdaryn suryptaýmen ainalysatyn jáne ǵylymi-kinologiialyq qoldaý kórsetetin ulttyq ortalyq ashylatynyn málimdedi.
Sondai-aq biyldan bastap 3 qyrkúiek Qazaqy tazy men tóbet kúni retinde belgilenetini aityldy.
Kezdesý barysynda Tamash Iakkel Qazaqstanda ulttyq it tuqymdaryn damytýǵa kórsetilip otyrǵan qoldaýǵa joǵary baǵa berip, Halyqaralyq kinologiia federatsiiasynyń álemniń 100-den astam elin biriktiretin qyzmeti týraly aqparat usyndy.
