Qazaqstan Prezidenti Qasym-Jomart Toqaev Eýropalyq keńes tóraǵasy Donald Týskpen kelissóz júrgizdi, dep habarlaidy "Ult aqparat" Aqordaǵa silteme jasap.
Aqorda rezidentsiiasynda ótken resmi qarsy alý rásiminen keiin, Qasym-Jomart Toqaev Donald Týskpen kelissóz júrgizdi.
Memleket basshysy Eýropalyq keńes tóraǵasynyń sapary Qazaqstan men Eýropalyq odaq arasyndaǵy bailanystardyń damýyna tyń serpin beretinin aitty.
– Sizdiń bul saparyńyzdyń máni zor. Bizdiń ózara tiimdi yntymaqtastyǵymyz tek keńeie beretinine senimdimin. Eki tarap ta kózdegen maqsatqa jetýge múddeli bolǵandyqtan, bizdiń qarym-qatynasymyzdyń bolashaǵy jarqyn, – dedi Qasym-Jomart Toqaev.
Donald Týsk Qazaqstanǵa saparmen kelýge shaqyrǵany úshin Memleket basshysyna rizashylyq bildirdi.
– Qonaqjailyq tanytqandaryńyz úshin kóp rahmet. Bizdiń sizdermen tájiribemiz ben ózara qarym-qatynastarymyzdyń tarihy ortaq. Geografiialyq araqashyqtyqtyń úlken bolǵanyna qaramastan, Qazaqstan biz úshin óńirlik turǵydan ǵana emes, sondai-aq, jahandyq deńgeide de mańyzdy ári turaqty seriktes sanalady, – dedi Eýropalyq keńes basshysy.
Áńgimelesý barysynda taraptar ártúrli saladaǵy Qazaqstan men Eýropalyq odaq yntymaqtastyǵynyń perspektivalaryn talqylady.
Kezdesýden soń Toqaev pen Týsk «ALJIR» memorialdy-mýzei keshenine bardy.
Memleket basshysy men Eýropalyq keńestiń tóraǵasy qasiret qaqpasynyń aldynda bas iip, saiasi qýǵyn-súrgin qurbandarynyń rýhyna taǵzym etti.
Qazaqstan Prezidenti men Eýropalyq keńes basshysy «ALJIR» memorialdy-mýzei keshenindegi eskertkish taqtaǵa gúl shoǵyn qoiyp, saiasi qurbandardyń ómiri jaily málimetter jinaqtalǵan keshen mýzeiin aralap kórdi.
31 mamyr - saiasi qýǵyn-súrgin qurbandaryn eske alý kúni retinde 1997 jyldan beri atalyp keledi.
