قازاقستان پرەزيدەنتٸ قاسىم-جومارت توقاەۆ ەۋروپالىق كەڭەس تٶراعاسى دونالد تۋسكپەن كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
اقوردا رەزيدەنتسيياسىندا ٶتكەن رەسمي قارسى الۋ رەسٸمٸنەن كەيٸن, قاسىم-جومارت توقاەۆ دونالد تۋسكپەن كەلٸسسٶز جٷرگٸزدٸ.
مەملەكەت باسشىسى ەۋروپالىق كەڭەس تٶراعاسىنىڭ ساپارى قازاقستان مەن ەۋروپالىق وداق اراسىنداعى بايلانىستاردىڭ دامۋىنا تىڭ سەرپٸن بەرەتٸنٸن ايتتى.
– سٸزدٸڭ بۇل ساپارىڭىزدىڭ مەنٸ زور. بٸزدٸڭ ٶزارا تيٸمدٸ ىنتىماقتاستىعىمىز تەك كەڭەيە بەرەتٸنٸنە سەنٸمدٸمٸن. ەكٸ تاراپ تا كٶزدەگەن ماقساتقا جەتۋگە مٷددەلٸ بولعاندىقتان, بٸزدٸڭ قارىم-قاتىناسىمىزدىڭ بولاشاعى جارقىن, – دەدٸ قاسىم-جومارت توقاەۆ.
دونالد تۋسك قازاقستانعا ساپارمەن كەلۋگە شاقىرعانى ٷشٸن مەملەكەت باسشىسىنا ريزاشىلىق بٸلدٸردٸ.
– قوناقجايلىق تانىتقاندارىڭىز ٷشٸن كٶپ راحمەت. بٸزدٸڭ سٸزدەرمەن تەجٸريبەمٸز بەن ٶزارا قارىم-قاتىناستارىمىزدىڭ تاريحى ورتاق. گەوگرافييالىق اراقاشىقتىقتىڭ ٷلكەن بولعانىنا قاراماستان, قازاقستان بٸز ٷشٸن ٶڭٸرلٸك تۇرعىدان عانا ەمەس, سونداي-اق, جاھاندىق دەڭگەيدە دە ماڭىزدى ەرٸ تۇراقتى سەرٸكتەس سانالادى, – دەدٸ ەۋروپالىق كەڭەس باسشىسى.
ەڭگٸمەلەسۋ بارىسىندا تاراپتار ەرتٷرلٸ سالاداعى قازاقستان مەن ەۋروپالىق وداق ىنتىماقتاستىعىنىڭ پەرسپەكتيۆالارىن تالقىلادى.
كەزدەسۋدەن سوڭ توقاەۆ پەن تۋسك «الجير» مەموريالدى-مۋزەي كەشەنٸنە باردى.
مەملەكەت باسشىسى مەن ەۋروپالىق كەڭەستٸڭ تٶراعاسى قاسٸرەت قاقپاسىنىڭ الدىندا باس يٸپ, ساياسي قۋعىن-سٷرگٸن قۇرباندارىنىڭ رۋحىنا تاعزىم ەتتٸ.
قازاقستان پرەزيدەنتٸ مەن ەۋروپالىق كەڭەس باسشىسى «الجير» مەموريالدى-مۋزەي كەشەنٸندەگٸ ەسكەرتكٸش تاقتاعا گٷل شوعىن قويىپ, ساياسي قۇربانداردىڭ ٶمٸرٸ جايلى مەلٸمەتتەر جيناقتالعان كەشەن مۋزەيٸن ارالاپ كٶردٸ.
31 مامىر - ساياسي قۋعىن-سٷرگٸن قۇرباندارىن ەسكە الۋ كٷنٸ رەتٸندە 1997 جىلدان بەرٸ اتالىپ كەلەدٸ.
