Qazaqstan Prezidenti Qasym-Jomart Toqaev Eýraziialyq ekonomikalyq komissiia alqasynyń tóraǵasy Tigran Sarkisianmen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev odaqqa múshe elderdiń kóp qyrly ózara is-qimyldaryn tereńdetý qajettigine nazar aýdardy.
Aita ketsek, 29 mamyrda Nur-Sultan qalasynda Qazaqstan Prezidenti Qasym-Jomart Toqaevtyń tóraǵalyǵymen Nursultan Nazarbaevtyń eýraziialyq integratsiia jónindegi ideiasynyń 25 jáne Eýraziialyq ekonomikalyq odaq jónindegi kelisimge qol qoiylýynyń 5 jyldyǵyna orai Joǵary Eýraziia ekonomikalyq keńesiniń kezekti otyrysy ótedi.
Is-sharaǵa Qazaqstan Respýblikasynyń Tuńǵysh Prezidenti – Elbasy N.Nazarbaev, Belarýs Respýblikasynyń Prezidenti A.Lýkashenko, Qyrǵyz Respýblikasynyń Prezidenti S.Jeenbekov, Resei Federatsiiasynyń Prezidenti V.Pýtin, Armeniia Respýblikasynyń Premer-Ministri N.Pashinian qatysady.
Sonymen qatar, Eýraziialyq ekonomikalyq odaq janyndaǵy baqylaýshy memleket basshysy retinde Moldova Respýblikasynyń Prezidenti I.Dodon jáne qurmetti qonaq retinde Tájikstan Respýblikasynyń Prezidenti E.Rahmon qatysady dep kútilýde.
Jiynda memleketter basshylary Eýraziialyq ekonomikalyq odaq jumysynyń ózekti máselelerin jáne odan ári damýdyń perspektivalaryn, sonyń ishinde tsifrlyq kún tártibi men Odaqtyń halyqaralyq qyzmetiniń negizgi baǵyttarynyń júzege asyrylýyn qarastyrady. Sondai-aq, Eýraziialyq ekonomikalyq odaqtyń 2019-2020 jyldarǵa arnalǵan makroekonomikalyq saiasatynyń negizgi baǵyttaryn talqylaidy.
Sammit qorytyndysy boiynsha memleketter basshylarynyń – Joǵary Eýraziia ekonomikalyq keńesi músheleriniń Eýraziialyq ekonomikalyq odaq jónindegi kelisimge qol qoiylýynyń 5 jyldyǵyna orai birlesken málimdemesi qabyldanady, sondai-aq, birqatar halyqaralyq qujattarǵa qol qoiylady dep josparlanýda.
.jpeg)