Qazaqstan Prezidenti Qasym-Jomart Toqaev Jambyl oblysynyń jurtshylyǵymen kezdesýi barysynda mal urlyǵymen kúresti kúsheitý qajettigine nazar aýdardy. Bul jaiynda QR Prezidentiniń baspasóz hatshysy Berik Ýáli Feisbýktaǵy paraqshasynda jazdy, dep habarlaidy "Ult aqparat".
«Oblystaǵy qylmys kólemin azaitý kerek. Qazaq amandasqanda «Mal-jan aman ba?» dep jón surasqan. Degenmen, sońǵy kezde qoradaǵy malyn tappai qalatyn azamattar kóbeiip barady. Ótken jyly elimizde 5,5 myń mal urlyǵy tirkelgen. Urlyq jaqsylyqqa aparmaidy! Buǵan tyiym salý kerek! Adal eńbek etip, kúnin kórip otyrǵan malshylardy qorǵaýymyz qajet! Zańdy qataityp, qylmyskerlerdi sybailastarymen qosyp, qatań jazalaý kerek», - dep atap ótedi Memleket basshysy.
QR Prezidenti elimizdiń Ishki ister ministrligi qyzmetkerlerimen kezdesýde osy máselege qatysty naqty tapsyrmalar bergenin, sondyqtan, ákimdikter men jergilikti politsiia barymtaǵa qarsy shuǵyl sharalar qabyldaýy tiistigin basa aitty.
«Qylmystyq kodekske tiisti ózgertýler engizý qajet. Parlament depýtattary osy bastamany qoldap, máseleniń oń sheshim tabýyna atsalysady dep senemin», - dep atap ótit qasym-Jomart Toqaev.
Memleket basshysy oblystaǵy kelesi ótkir másele - esirtki qylmysynyń ýshyǵýy ekendigine nazar aýdartty.
«Bul - búkil qoǵamdy alańdatqan ózekti másele. Ókinishke qarai, qazirgi ozyq tehnologiia damyǵan zamanda «esirtki biznesiniń» dáýreni júrip tur. Esirtki satatyn «astyrtyn» jarnamalar qaptap ketti. Tipti, arnaiy saittar ashylǵan. Bul, eń aldymen, jastardyń sanasyn jáne densaýlyǵyn ýlaityn kesel. Muny toqtatý qajet! Jol bermeý kerek! Zań júzinde tosqaýyl qoiýymyz asa mańyzdy! Esirtki satýdy kásipke ainaldyrǵan qylmyskerler qatań jazalanýy kerek! Politsiia qyzmetkerlerine osy másele boiynsha shuǵyl sharalar qabyldaýdy tapsyramyn», - dedi Q.Toqaev.
Sondai-aq, Qazaqstan Preziidenti aýylǵa kelgen jas dárigerlerdi yntalandyrý kerek ekenin aitty.
«Men Úkimetke meditsina salasy qyzmetkerleriniń mártebesin kóterý jóninde sharalar qabyldaýdy tapsyrdym. Ákimdikter bul baǵytta belsendi jumys júrgizýi tiis. Meditsina salasy qyzmetkerlerin baspanamen qamtamasyz etip, aýylǵa kelgen jas dárigerlerdi yntalandyrý kerek» , - dedi Memleket basshysy
