قازاقستان پرەزيدەنتٸ قاسىم-جومارت توقاەۆ جامبىل وبلىسىنىڭ جۇرتشىلىعىمەن كەزدەسۋٸ بارىسىندا مال ۇرلىعىمەن كٷرەستٸ كٷشەيتۋ قاجەتتٸگٸنە نازار اۋداردى. بۇل جايىندا قر پرەزيدەنتٸنٸڭ باسپاسٶز حاتشىسى بەرٸك ۋەلي فەيسبۋكتاعى پاراقشاسىندا جازدى, دەپ حابارلايدى "ۇلت اقپارات".
«وبلىستاعى قىلمىس كٶلەمٸن ازايتۋ كەرەك. قازاق امانداسقاندا «مال-جان امان با?» دەپ جٶن سۇراسقان. دەگەنمەن, سوڭعى كەزدە قوراداعى مالىن تاپپاي قالاتىن ازاماتتار كٶبەيٸپ بارادى. ٶتكەن جىلى ەلٸمٸزدە 5,5 مىڭ مال ۇرلىعى تٸركەلگەن. ۇرلىق جاقسىلىققا اپارمايدى! بۇعان تىيىم سالۋ كەرەك! ادال ەڭبەك ەتٸپ, كٷنٸن كٶرٸپ وتىرعان مالشىلاردى قورعاۋىمىز قاجەت! زاڭدى قاتايتىپ, قىلمىسكەرلەردٸ سىبايلاستارىمەن قوسىپ, قاتاڭ جازالاۋ كەرەك», - دەپ اتاپ ٶتەدٸ مەملەكەت باسشىسى.
قر پرەزيدەنتٸ ەلٸمٸزدٸڭ ٸشكٸ ٸستەر مينيسترلٸگٸ قىزمەتكەرلەرٸمەن كەزدەسۋدە وسى مەسەلەگە قاتىستى ناقتى تاپسىرمالار بەرگەنٸن, سوندىقتان, ەكٸمدٸكتەر مەن جەرگٸلٸكتٸ پوليتسييا بارىمتاعا قارسى شۇعىل شارالار قابىلداۋى تيٸستٸگٸن باسا ايتتى.
«قىلمىستىق كودەكسكە تيٸستٸ ٶزگەرتۋلەر ەنگٸزۋ قاجەت. پارلامەنت دەپۋتاتتارى وسى باستامانى قولداپ, مەسەلەنٸڭ وڭ شەشٸم تابۋىنا اتسالىسادى دەپ سەنەمٸن», - دەپ اتاپ ٶتٸت قاسىم-جومارت توقاەۆ.
مەملەكەت باسشىسى وبلىستاعى كەلەسٸ ٶتكٸر مەسەلە - ەسٸرتكٸ قىلمىسىنىڭ ۋشىعۋى ەكەندٸگٸنە نازار اۋدارتتى.
«بۇل - بٷكٸل قوعامدى الاڭداتقان ٶزەكتٸ مەسەلە. ٶكٸنٸشكە قاراي, قازٸرگٸ وزىق تەحنولوگييا دامىعان زاماندا «ەسٸرتكٸ بيزنەسٸنٸڭ» دەۋرەنٸ جٷرٸپ تۇر. ەسٸرتكٸ ساتاتىن «استىرتىن» جارنامالار قاپتاپ كەتتٸ. تٸپتٸ, ارنايى سايتتار اشىلعان. بۇل, ەڭ الدىمەن, جاستاردىڭ ساناسىن جەنە دەنساۋلىعىن ۋلايتىن كەسەل. مۇنى توقتاتۋ قاجەت! جول بەرمەۋ كەرەك! زاڭ جٷزٸندە توسقاۋىل قويۋىمىز اسا ماڭىزدى! ەسٸرتكٸ ساتۋدى كەسٸپكە اينالدىرعان قىلمىسكەرلەر قاتاڭ جازالانۋى كەرەك! پوليتسييا قىزمەتكەرلەرٸنە وسى مەسەلە بويىنشا شۇعىل شارالار قابىلداۋدى تاپسىرامىن», - دەدٸ ق.توقاەۆ.
سونداي-اق, قازاقستان پرەزييدەنتٸ اۋىلعا كەلگەن جاس دەرٸگەرلەردٸ ىنتالاندىرۋ كەرەك ەكەنٸن ايتتى.
«مەن ٷكٸمەتكە مەديتسينا سالاسى قىزمەتكەرلەرٸنٸڭ مەرتەبەسٸن كٶتەرۋ جٶنٸندە شارالار قابىلداۋدى تاپسىردىم. ەكٸمدٸكتەر بۇل باعىتتا بەلسەندٸ جۇمىس جٷرگٸزۋٸ تيٸس. مەديتسينا سالاسى قىزمەتكەرلەرٸن باسپانامەن قامتاماسىز ەتٸپ, اۋىلعا كەلگەن جاس دەرٸگەرلەردٸ ىنتالاندىرۋ كەرەك» , - دەدٸ مەملەكەت باسشىسى
