Prezident Qasym-Jomart Toqaev Úkimetke shuǵyl arada daǵdarysqa qarsy birinshi kezektegi sharalardyń paketin usynýdy tapsyrdy, dep habarlaidy QazAqparat.
«Daǵdarysqa qarsy birinshi kezektegi sharalary týraly. Qazaqstan óziniń zamanaýi tarihynda geosiasai ahýaldyń shuǵyl shielenisýimen bailanysty teńdessiz qarjylyq-ekonomikalyq qiyndyqtarǵa tap keldi. Qatań sanktsiialyq teketires qazirdiń ózinde eleýli sheginisterge ákelip jatyr. Tek jekelegen elderge ǵana emes, búkil ǵalamdyq ekonomikaǵa áser etýde. Jaǵdai jyldam ózgerip jatyr, tipti saǵat saiyn deýge bolady. Álemdik naryqtarda belgisizdik pen týrbilenttilik deńgeii artýda, - dedi Memleket basshysy.
Onyń sózine qaraǵanda, degenmen baibalam salýǵa negiz joq.
«Elimizde aýqymdy daǵdarysty eńserýge qajetti búkil rezerv pen tetikter bar. Úkimet shuǵyl arada daǵdarysqa qarsy birinshi kezektegi sharalardyń paketin usynýy kerek. Bárinen buryn ulttyq valiýtanyń turaqtylyǵyn qamtamasyz etý kerek», - dedi Prezident.
