QR Prezidenti Qasym-Jomart Toqaev «Egemen Qazaqstan» gazetiniń 100 jyldyq mereitoiyna orai quttyqtaý joldady. Elimizdiń bas basylymnyń mereitoiyna orai ótip jatqan saltanatty sharada Memleket basshysy quttyqtaýyn QR Memlekettik hatshysy Qyrymbek Kósherbaev oqyp berdi, dep habarlaidy QazAqparat.
«Egemen Qazaqstan» gazetiniń ujymyn gazettiń 100 jyldyq mereitoiymen shyn júrekten quttyqtaimyn! Bul bir ujymǵa ǵana emes búkil elimizge ortaq qýanysh. «Egemen Qazaqstan» áýel bastan ulttyq múddeni, eldik muratty jáne rýhani qundylyqtarymyzdy dáriptep, qazaq baspasóziniń qara shańyraǵyna ainaldy. 100 jasaǵan gazettiń egemendi el bolý jolynda jasaǵan jumysy ushan-teńiz», - dep atap ótedi Memleket basshysy.
Qazaqstan Prezidenti Smaǵul Sádýaqasov, Júsipbek Aimaýytov, Muqtar Áýezov, Beiimbet Mailin, Sáken Seifýllin, Turar Rysqulov siiaqty Alash arystary basqarǵan basylym árdaiym qazaqtyń rýhyn biik ustaǵandyna basa nazar aýdartady.
«Gazet ujymy keńes zamanynyń ózinde ana tilimiz ben ulttyq sanamyzdy saqtaýǵa, tól mádenietimiz ben tarihymyzdy nasihattaýǵa, eldigimizdi nyǵaitýǵa ólsheýsiz úles qosty. «Egemen Qazaqstan» Táýelsizdiktiń eleń-alańynda da Sherhan Murtaza men Ábish Kekilbaevtai birtýar azamattardyń basshylyǵymen memleket irgesin biiktetýge atsalysty. Qazaqstannyń shejiresi bas basylymnyń tarihymen qatar órbidi. Táýelsizdik tańy atqaly gazettiń ár sanynda Elbasynyń barlyq bastamalary men sheshimderi, memlekettik mańyzy bar is-sharalar baiandaldy. Osy igi úrdis jańǵyrýdyń jańa kezeńinde jalǵasyn taýyp, egemendikter Táýelsizdigimizdiń baiandy bolýy jolynda jemisti qyzmet ete beredi dep senemin. Ǵumyry ǵasyrmen ólshenetin gazettiń torqaly toiy qutty bolsyn», - dedi Qasym-Jomart Toqaev.
.jpeg)