Prezident Qasym-Jomart Toqaev diplomattar arasynda birqatar taǵaiyndaý jasady, - dep habarlaidy "Ult aqparat" Aqorda saityna silteme jasap.
Maǵjan Iliiasov Qazaqstan Respýblikasynyń Ulybritaniia jáne Soltústik Irlandiia Qurama Koroldigindegi tótenshe jáne ókiletti elshisi bolyp taǵaiyndaldy, ol Qazaqstan Respýblikasynyń Birikken Ulttar Uiymy janyndaǵy turaqty ókili laýazymynan bosatylǵan.
Aqan Rahmetýllin Qazaqstan Respýblikasynyń Birikken Ulttar Uiymy janyndaǵy turaqty ókili bolyp taǵaiyndaldy, ol Qazaqstan Respýblikasy syrtqy ister ministriniń birinshi orynbasary laýazymynan bosatylǵan.
Sondai-aq, Qairat Omarov Qazaqstan Respýblikasynyń Aýstriia Respýblikasyndaǵy tótenshe jáne ókiletti elshisi, Qazaqstan Respýblikasynyń Vena qalasyndaǵy halyqaralyq uiymdar janyndaǵy turaqty ókili, Qazaqstan Respýblikasynyń Sloveniia Respýblikasyndaǵy tótenshe jáne ókiletti elshisi qyzmetin qosa atqarýshy laýazymdarynan bosatylǵan.
Al Janar Aitjan Dúniejúzilik saýda uiymy men halyqaralyq ekonomikalyq uiymdar janyndaǵy Qazaqstan Respýblikasynyń turaqty ókili laýazymyna taǵaiyndalǵan.
