Prezident Qasym-Jomart Toqaev eldegi barsha dárigerler qaýymyn Dúniejúzilik densaýlyq kúnimen quttyqtady, - dep habarlaidy "Ult aqparat".
"Búgin Dúniejúzilik densaýlyq kúni. Qazirgidei qiyn kezeńde densaýlyq saqtaý salasynyń tiimdi jumysy - adamzat ómirinde qanshalyqty mańyzdy ekenin kórsetti. Pandemiianyń alǵashqy kúninen bastap meditsina qyzmetkerleri adam ómirine arasha túsip, koronavirýsqa qarsy kúrestiń aldyńǵy shebinde júr", - dedi Toqaev Twitter-paraqshasynda.
Sonymen qatar Prezident 2020 jyldan beri meditsina salasyn qarjylandyrý jáne sala mamandarynyń jalaqysyn kóterý máselesi qaralǵanyn aitty.
Qoljetimdi jáne sapaly meditsina júiesine jalpyulttyq basymdyq berilip 2020 jyldan bastap meditsina salasyn qarjylandyrý 1,5 esege kóbeidi. 2021 jyldyń 1 qańtarynan beri sala qyzmetkerleriniń jalaqysy kóterildi. Azamattardyń densaýlyǵyn qorǵaýdaǵy jankeshti eńbegi úshin dárigerlerge rizashylyǵymdy bildiremin", - dep qosty Toqaev.
