Prezident Qasym-Jomart Toqaev "Bolashaq" bilim berý baǵdarlamasynyń baǵyty ózgertetinin málimdedi, - dep habarlaidy Tengrinews.kz.
Memleket basshysy elimizde bilim berý júiesin qaita qarastyrý qajet ekenin aitty.
"Biz ekonomisterdi, zańgerlerdi, menedjerlerdi kóp daiyndaimyz. Qazir tehnikalyq baǵyttarǵa den qoiýymyz kerek. Bolashaq baǵdarlamasyn qaita baǵdarlaimyz. Jastarymyzdy oqýǵa, onyń ishinde Reseige, múmkin eń aldymen Reseige, belgili tehnikalyq joǵary oqý oryndaryna jiberemiz", - dedi Toqaev biznes ókilderimen kezdesýde.
Prezident tehnikalyq mamandyqtar boiynsha álemniń jetekshi ýniversitetteriniń filialdaryn ashý týraly másele qoiǵanyn eske saldy.
"Qazaqtar, jas qazaqtar tehnikalyq mamandyqty igerýi kerek, buǵan kámil senem", - dedi ol.
Memleket basshysy eldegi oń ózgerister kóbine bizneske bailanysty ekenin aitty.
"Óndiriske, sapaly jumys oryndaryn qurýǵa, ǵylym men bilimge qarjy salý mindetti túrde aqtalady. Osy baǵytta jumys isteý kerek. Mysaly, bilikti kadrlardyń, ásirese tehnikalyq mamandyqtar boiynsha mamandardyń joqtyǵyna shaǵymdanýdyń ornyna, nege iri biznes kolledjderdi qamqorlyqqa alyp, olardyń qamqorshylyq keńesterine kirip, jastardy praktikaǵa alyp, olardyń zerthanalary men sheberhanalaryn jaraqtandyrmasqa? Jekelegen korporatsiialar osy baǵytta jumys istep jatqanyn bilemin, biraq bul ispen bári ainalysý kerek", - dedi Qasym-Jomart Toqaev.
