پرەزيدەنت قاسىم-جومارت توقاەۆ "بولاشاق" بٸلٸم بەرۋ باعدارلاماسىنىڭ باعىتى ٶزگەرتەتٸنٸن مەلٸمدەدٸ, - دەپ حابارلايدى Tengrinews.kz.
مەملەكەت باسشىسى ەلٸمٸزدە بٸلٸم بەرۋ جٷيەسٸن قايتا قاراستىرۋ قاجەت ەكەنٸن ايتتى.
"بٸز ەكونوميستەردٸ, زاڭگەرلەردٸ, مەنەدجەرلەردٸ كٶپ دايىندايمىز. قازٸر تەحنيكالىق باعىتتارعا دەن قويۋىمىز كەرەك. بولاشاق باعدارلاماسىن قايتا باعدارلايمىز. جاستارىمىزدى وقۋعا, ونىڭ ٸشٸندە رەسەيگە, مٷمكٸن ەڭ الدىمەن رەسەيگە, بەلگٸلٸ تەحنيكالىق جوعارى وقۋ ورىندارىنا جٸبەرەمٸز", - دەدٸ توقاەۆ بيزنەس ٶكٸلدەرٸمەن كەزدەسۋدە.
پرەزيدەنت تەحنيكالىق ماماندىقتار بويىنشا ەلەمنٸڭ جەتەكشٸ ۋنيۆەرسيتەتتەرٸنٸڭ فيليالدارىن اشۋ تۋرالى مەسەلە قويعانىن ەسكە سالدى.
"قازاقتار, جاس قازاقتار تەحنيكالىق ماماندىقتى يگەرۋٸ كەرەك, بۇعان كەمٸل سەنەم", - دەدٸ ول.
مەملەكەت باسشىسى ەلدەگٸ وڭ ٶزگەرٸستەر كٶبٸنە بيزنەسكە بايلانىستى ەكەنٸن ايتتى.
"ٶندٸرٸسكە, ساپالى جۇمىس ورىندارىن قۇرۋعا, عىلىم مەن بٸلٸمگە قارجى سالۋ مٸندەتتٸ تٷردە اقتالادى. وسى باعىتتا جۇمىس ٸستەۋ كەرەك. مىسالى, بٸلٸكتٸ كادرلاردىڭ, ەسٸرەسە تەحنيكالىق ماماندىقتار بويىنشا مامانداردىڭ جوقتىعىنا شاعىمدانۋدىڭ ورنىنا, نەگە ٸرٸ بيزنەس كوللەدجدەردٸ قامقورلىققا الىپ, ولاردىڭ قامقورشىلىق كەڭەستەرٸنە كٸرٸپ, جاستاردى پراكتيكاعا الىپ, ولاردىڭ زەرتحانالارى مەن شەبەرحانالارىن جاراقتاندىرماسقا? جەكەلەگەن كورپوراتسييالار وسى باعىتتا جۇمىس ٸستەپ جاتقانىن بٸلەمٸن, بٸراق بۇل ٸسپەن بەرٸ اينالىسۋ كەرەك", - دەدٸ قاسىم-جومارت توقاەۆ.
