QR Prezidenti Qasym-Jomart Toqaev respýblikalyq «Egemen Qazaqstan» jáne «Aiqyn» gazetterine bergen suhbatynda Uly Abaidyń sózin mysalǵa ala otyryp, nadandyqtan qutylý kerektigin tilge tiek etti.
Memleket basshysy «Ult ustazy Abai Qunanbaiuly HIH ǵasyrdaǵy qazaqtyń minez-qalybyn barynsha ótkir synǵa alyp edi. HHI ǵasyrdaǵy kerdeń minezge neni jatqyzar edińiz?» degen suraqqa «dańǵazalyq, ysyrapshyldyq» dep jaýap berdi.
«Uly Abai «Kúlli adam balasyn qor qylatyn úsh nárse bar. Sodan qashpaq kerek: Áýeli – nadandyq, ekinshi – erinshektik, úshinshi – zalymdyq dep bilesiń. Nadandyq – bilim-ǵylymnyń joqtyǵy, dúnieden eshbir nárseni olarsyz bilip bolmaidy» deidi. Bizge nadandyqtan qutylý qajet», - deidi ol.
Sondai-aq, Memleket basshysy memleketshil jastardyń kóptep ósip kele jatqanyn atap ótti.
«Táýelsizdik jyldarynda memlekettik, ulttyq ustanymǵa adal, bilimdi, ótkir, otanshyl jastarymyzdyń tutas bir býyny qalyptasty. Biz solarǵa arqa súieimiz. Olar Abai aitqan bes asyl iske berik – talapshyl, eńbekshil, oishyl, qanaǵatshyl, raqymshyl bolsa – onda bizdiń elimizdiń bolashaǵy jarqyn, juldyzy joǵary bolmaq!» deidi Qasym-Jomart Kemeluly óz sózinde.
