قر پرەزيدەنتٸ قاسىم-جومارت توقاەۆ رەسپۋبليكالىق «Egemen Qazaqstan» جەنە «Aiqyn» گازەتتەرٸنە بەرگەن سۇحباتىندا ۇلى ابايدىڭ سٶزٸن مىسالعا الا وتىرىپ, ناداندىقتان قۇتىلۋ كەرەكتٸگٸن تٸلگە تيەك ەتتٸ.
مەملەكەت باسشىسى «ۇلت ۇستازى اباي قۇنانبايۇلى حٸح عاسىرداعى قازاقتىڭ مٸنەز-قالىبىن بارىنشا ٶتكٸر سىنعا الىپ ەدٸ. ححٸ عاسىرداعى كەردەڭ مٸنەزگە نەنٸ جاتقىزار ەدٸڭٸز?» دەگەن سۇراققا «داڭعازالىق, ىسىراپشىلدىق» دەپ جاۋاپ بەردٸ.
«ۇلى اباي «كٷللٸ ادام بالاسىن قور قىلاتىن ٷش نەرسە بار. سودان قاشپاق كەرەك: ەۋەلٸ – ناداندىق, ەكٸنشٸ – ەرٸنشەكتٸك, ٷشٸنشٸ – زالىمدىق دەپ بٸلەسٸڭ. ناداندىق – بٸلٸم-عىلىمنىڭ جوقتىعى, دٷنيەدەن ەشبٸر نەرسەنٸ ولارسىز بٸلٸپ بولمايدى» دەيدٸ. بٸزگە ناداندىقتان قۇتىلۋ قاجەت», - دەيدٸ ول.
سونداي-اق, مەملەكەت باسشىسى مەملەكەتشٸل جاستاردىڭ كٶپتەپ ٶسٸپ كەلە جاتقانىن اتاپ ٶتتٸ.
«تەۋەلسٸزدٸك جىلدارىندا مەملەكەتتٸك, ۇلتتىق ۇستانىمعا ادال, بٸلٸمدٸ, ٶتكٸر, وتانشىل جاستارىمىزدىڭ تۇتاس بٸر بۋىنى قالىپتاستى. بٸز سولارعا ارقا سٷيەيمٸز. ولار اباي ايتقان بەس اسىل ٸسكە بەرٸك – تالاپشىل, ەڭبەكشٸل, ويشىل, قاناعاتشىل, راقىمشىل بولسا – وندا بٸزدٸڭ ەلٸمٸزدٸڭ بولاشاعى جارقىن, جۇلدىزى جوعارى بولماق!» دەيدٸ قاسىم-جومارت كەمەلۇلى ٶز سٶزٸندە.
